AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Türkiyə Bağdadinin yerini bilirdimi? – Bloomberg


Tarix 02.11.19, 13:35	Font ölçüsü : - / +

Bloomberg yazır ki, ABŞ kəşfiyyatı ötən həftə İslam Dövləti ekstremist təşkilatının həlak olmuş lideri AbuBəkr əl-Bağdadinin düşərgəsindən tapılmış elektron və kağız sənədlərin təhlili ilə məşğuldur və bu məqamda beyinlərdə olan əsas sual onun Suriyanın Türkiyənin nəzarətində olan hissəsində necə gizlənə bilməsidir.

ABŞ-ın siyasi dairələrində yaxşı tanınan jurnalist Əli Lakeyin yazdığına görə ABŞ milli təhlükəsizliyinin üç rəsmisi ona məhz bu sualla maraqlandıqlarını deyib.

Məqalədə deyilir ki, təşkilatın sözçüsü Abul Həsən əl-Muhacirin də Ankaranın nəzarətində olan bölgədə öldürülməsi Türkiyə kəşfiyyatı ilə İD arasında münasibətlər barədə yeni suallar doğurur.

Muhacir Hələb qəzasında Türkiyə silahlı qüvvələrinin nəzarətində olan Carablus şəhərində aşkar olunub. Bağdadinin aşkar edildiyi İdlib qəzasında isə Türkiyə hərbiyyəsinin çox sayda yoxlama postları var.

Əli Lake yazır ki, əlbəttə, bu iki terrorçunun NATO müttəfiqinin burnunun altında gizlənə bilməsini nəzəri cəhətdən qəbul etmək də olar, amma ABŞ kəşfiyyatı bu ehtimala şübhə ilə yanaşır.

Jurnalistin sözlərinə görə həm də bu şübhələr təkcə Muhacir və Bağdadinin aşkar olunduğu yerlərlə bağlı deyil.

Amma Lake bunu da qeyd edir ki, Türkiyə hərbçiləri əl-Qaedə və İD-in gizli düşərgələrinə çoxsaylı reydlər həyata keçirib.

Məqalədə deyilir ki, Suriyada vətəndaş müharibəsinin başlanğıcında Türkiyə kəşfiyyat xidməti Avropa və Afrikadan olan xarici səfərbərlərin öz ərazisindən keçərək Suriyaya daxil olmasına imkan yaradırdı. O vaxtlar Ankara Bəşər əl-Əsəd rejiminə qarşı cihadçıları dəstəkləməklə Suriyada rejim dəyişikliyi siyasəti yürüdürdü.

Lake yazır ki, bu yaxınlarda ABŞ hökuməti İD-in azı bir vəzifəli nümayəndəsinin Türkiyədə yaşadığını müəyyən edib. ABŞ Xəzinədarlığı 2017-ci ilin avqustunda bildirirdi ki, ekstremist təşkilatın “maliyyə naziri” həmin ilin əvvəllərində İraqdan Türkiyəyə keçib.

ABŞ rəsmilərindən biri jurnalistə deyib ki, “Türkiyə Suriya vətəndaş müharibəsi teatrında ən pis aktyorları dəstəkləmək üçün əlindən gələni edib”.

Pakistanda da belə olmuşdu

Lake yazır ki, bütün bunlar Pakistanda baş verənlərlə müqayisə edilə bilər.

1980-ci illərdə Mərkəzi Kəşfiyyat İdarəsi (MKİ) Sovet İttifaqına qarşı vuruşan qiyamçılara dəstək verən Pakistanla işbirliyində idi. Suriya münaqişəsinin ilk vaxtlarında da MKİ Əsəd rejiminə qarşı döyüşən cihadçıları dolayısı ilə dəstəkləyirdi.

Lakin zaman keçdikcə Pakistanda əl-Qaeda və Talibanın, Türkiyədə isə İslam Dövləti qruplaşmasınınyüksəlişi ilə ABŞ-ın öz müttəfiqinə münasibəti dəyişib.

Usama bin Laden 2011-ci ildə məhz Pakistanın ən prestijli hərbi akademiyasının yerləşdiyi Abbotabadda öldürüldü. Bağdadi isə Türkiyə hərbiyyəsinin nəzarəti altında olan İdlibdə tapıldı.

O vaxtdan ABŞ-ın Pakistanla münasibətləri pisləşmişdi, lakin sonradan münasibətlər Pakistan baş nazirinin Vaşinqtona dəvəti ilə normallaşdı.

Bloomberg yazır ki, Türkiyə ilə də eyni ssenari təkrarlana bilər. Türkiyə prezidenti Rəcəp Tayyip Ərdoğan Ağ Evə dəvət olunub.

Hərçənd Ərdoğan bildirib ki, ABŞ Nümayəndələr Palatası “erməni soyqırımını” tanıyan qətnamə qəbul etdikdən sonra o bu dəvətdən imtina edə bilər.

Bu arada Suriyanın kürd liderləri bildirirlər ki, Türkiyə hərbiyyəsi atəşkəs sazişini pozaraq Suriyanın şimalında kürd əhaliyə qarşı kampaniyanı bərpa edib.

Bloomberg diqqəti buna da çəkir ki, Bağdadinin tapılmasında əsas rolu kürdlərin Suriya Demokratik Qüvvələri oynayıb.

Lakeyin yazdığına görə mümkündür ki, ABŞ kəşfiyyat təhlilçiləri Türkiyənin Bağdadinin harada gizləndiyini çoxdan bilmiş olduğunu aşkara çıxarsın. (azadliq.org)

Xəbərin oxunma sayı : 262