APA-nın Tbilisi müxbiri xəbər verir ki, bunu Avropa İttifaqının (Aİ) Xarici İşlər və Təhlüksizlik Siyasəti üzrə Ali Nümayəndəsi Cozep Borell Gürcüstanın Baş naziri İrakli Kobaxidze və Aİ-nin genişlənmə danışıqları üzrə komissarı Oliver Varhelyi ilə birgə mətbuata açıqlamasında deyib. Borell Gürcüstanda Rusiyaya qarşı ikinci cəbhənin açılmasına dair danışılanların hekayə olduğunu və bunu heç kimin ciddi qəbul etmədiyini vurğulayıb.

“Biz Gürcüstan və Ukraynanın ən yaxşı münasibətlərə malik olmasını istərdik. Onlar arasındakı istənilən məsələdən faydalanan yeganə tərəf Rusiyadır. Mən əlimdən gələni edəcəyəm və Gürcüstanın mümkün ən yaxşı əlaqələrə malik olmaqla bağlı niyyətini Ukrayna tərəfinə çatdıracağam. İkinci cəbhəyə gəldkdə isə, düşünürəm ki, bu uzun bir hekayədir. Heç kim bunu ciddi şəkildə nəzərdən keçirmir və mən bununla bağlı Ukraynadan, başqa bir yerdən hansısa çağırış görmürəm”, - Borell deyib.

Qeyd edək ki, Gürcüstanın hökumət nümayəndələri Ukrayna rəhbərliyini Gürcüstanda Rusiyaya qarşı ikinci cəbhə açmağa çalışmaqda ittiham edir.