AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Elmar Vəliyvlə bağlı yeni iddialar... - “Anlaqsız olmasını səbəb gətirməsi...“


Tarix 18.06.21, 10:45	Font ölçüsü : - / +

"Elmar Vəliyev 4 ildir ki, başçı deyil, amma hələ də onun Gəncə və ətrafındakı səfalı, gözəgəlimli yerlərdə villaları, imarətləri, hotel və restoranları haqda mətbuat yazır. Bu məsələlər araşdırılmalıdır”

Gəncənin sabiq icra başçısı Elmar Vəliyev və onu mühafizə edən polis əməkdaşı Qasım Aşpazova qarşı sui-qəsddə ittiham olunan Yunis Səfərov və daha 11 nəfərin işi üzrə istintaq 1 ildən çoxdur davam edir. Prosesdə mayın 27-dən bu yana fasilə yaranıb. Buna səbəb isə təqsirləndirilən şəxslərdən Cəfər Zalovun vəkili İlqar Rüstəmovun vəsatəti olmuşdu.

“Cinayət işinin materiallarında yazılanlar saxtadır” deyən vəkil məhkəmə istintaqının təzələnməsi barədə vəsatət qaldırmış, Elmar Vəliyev zərərçəkmiş qismində tanınsa da, ətraflı dindirilmədiyini məhkəmənin diqqətinə çatdırmışdı. “Yalnız bir dəfə ilkin ifadəsi alınıb, onda da ”yadımda deyil, sonra danışaram" deyib. Sonradan səhhətində problemlər olması əsas gətirilərək dindirilməyib. Amma onun gerçək durumunun müəyyənləşdirilməsi üçün tibbi ekspertiza təyin edilməyib. Bu məsələ prosesin nəticəsi üçün çox əhəmiyyətli məqam olsa da, məhkəmə onu nəzərə almadan araşdırmaları yekunlaşdırıb. Ona görə də məhkəmə istintaqının təzələnməsi və Elmar Vəliyevlə bağlı məhkəmə tibbi ekspertizasının təyin edilməsi zərurəti ortadadır", - deyə vəkil bildirmişdi.

Prokuror vəsatətə etiraz etməyib, qısa müşavirədən sonra Əfqan Hacıyevin sədrlik etdiyi hakimlər kollegiyası sabiq icra başçısına qarşı sui-qəsdlə bağlı məhkəmə istintaqının təzələnməsi və Elmar Vəliyevin anlaqlı olub-olmadığının müəyyənləşdirilməsi üçün onun tibbi ekspertizadan keçirilməsinə qərar verib.

“Bakı” Hüquq Şirkətinin rəhbəri Natiq Ələsgərov “Yeni Müsavat”a deyib ki, Azərbaycan məhkəmə praktikasında tibbi ekspertizanın keçirilməsi ilə bağlı qərarlar adətən 1 ay müddətində icra olunur: “Elmar Vəliyevin sağlıq durumu, psixoloji-emosional vəziyyətini aydınlaşdırmaq üçün Azərbaycanda kifayət qədər təcrübəli ekspertlər var. Əgər həmin ekspertlərə imkan verilsə, onlar dəqiq-dürüst qiymətləndirmə apara bilərlər. Bu işlərlə bağlı vəkillərin mövqeyi haqlıdır. Əgər Elmar Vəliyev anlaqsızdırsa, onun qərar qəbul etmək imkanları psixoloji durumu baxımından uyğun deyilsə, bu halda sual yaranır: anlaqsız biri vəkili ilə müqaviləni necə bağlayıb? Bu suala mütləq şəkildə aydınlıq gətirilməlidir.

Əlbəttə ki, Elmar Vəliyevə qarşı cinayət törədilib. Amma bu o demək deyil ki, Elmar Vəliyev məhkəməyə gəlməməlidir, vəkillərin suallarını cavablandırmamalıdır. Elmar Vəliyevi məhkəmədə dindirmədən məhkəmə araşdırması həqiqəti üzə çıxara bilməz. Qoy, Elmar Vəliyev məhkəməyə gəlsin, ifadə verib sualları cavablandırsın. Onun xəsarət alması ilə nəticələnən əmələ görə həbsə alınanların taleyi həll olunur. Belə bir halda Elmar Vəliyev məhkəməyə gəlməlidir, lazım gəlsə, gətirilməlidir. Çünki həmin məhkəmədə çıxarılacaq hökm Azərbaycan Respublikası adından olacaq. Elmar Vəliyev də pis, ya yaxşı - ölkənin ikinci şəhərinin icra başçısı olub. Səhhəti imkan verirsə, zəhmət çəkib Azərbaycan qanunlarına uyğun olaraq məhkəməyə gəlməlidir. Ölkənin ikinci böyük şəhərinə illərlə rəhbərlik etmiş birinin məhkəməyə gəlməkdən yayınması da anlaşılmır”.

Bəs istintaqın yenilənməsi Elmar Vəliyevə nə vəd edir?

Hüquqşünas deyir ki, sabiq icra başçısının anlaqsız olmasını səbəb gətirməklə məhkəməyə gəlməməsi onun fəaliyyətinin yoxlanılmasına mane olub: “Elmar Vəliyevin başçı olduğu müddətdə mətbuatda onunla bağlı, onun yol verdiyi qanunsuzluqlar, yeyinti faktları ilə bağlı saysız-hesabsız yazılar, məlumatlar, videolar yayılıb. Elmar Vəliyev 4 ildir ki, başçı deyil, amma hələ də onun Gəncə və ətrafındakı səfalı, gözəgəlimli yerlərdə villaları, imarətləri, hotel və restoranları haqda mətbuat yazır. Bu məsələlər araşdırılmalıdır”.

Hüquqşünasın bəhs etdiyi yazı “Elmar Vəliyevin yarımçıq qalmış hoteli...” adlanır və “Yeni Musavat”ın 9 iyun sayında çap olunub. (bax buraya) Yazıda Elmar Vəliyevin Göygölün Hacıkənd kəndinin ərazisindəki tikintisi yarımçıq qalmış hotelindən, Toğanada Kürəkçayı üzərində tikilmiş imarətindən, oğlu Elmir Vəliyevin elə orada, bir qədər aralıda yerləşən, dağın üstündəki villasından bəhs olunur.

Həmin yazıdan sitat: “Göygölə qalxan yol və yolkənarı yerlər gerçəkdən də abad idi. Əməllicə iş görülüb. Birdən sürücü yol kənarındakı 5+ mərtəbəli, tikintisi başa çatmış möhtəşəm tikilini göstərir: ”Bax, bu bina var ha, “Hacıkənd-plaza” hotelidir. Elmar müəllimindir. Amma o güllə məsələsindən sonra burada iş dayandı. İstifadəyə verilmədi. İçinin işləri qalıb, bir də böyür-başının abadlaşdırılması, yanında bəzi obyektlərin tikilməsi-filan. Mansardını da özü üçün düzəltdirirdi".

Hotel gerçəkdən möhtəşəm idi. Hiss olunurdu ki, Elmar müəllim doğrudan da qurub-yaradan adam imiş. Gendən baxanda hotelin 6-cı mərtəbəsinin, yəni çardağının azı 3-4 yüz kvadratmetrlik sahəyə malik olduğu bilinir.

Növbəti sualım: “Nə əcəb buralarda Elmar müəllimin başqa villası yoxdur?”

Sürücünün cavabı: “Niyə yoxdur? Var. Toğana kəndindədir, yaxınlaşanda ora burulan yolu göstərərəm. O cür villa bəlkə də bu ölkədə yoxdur. Bax, bu Kürəkçay var ha, həmin villanın ortasından keçir. Elə düzəldiblər ki, çay həyətin bir yerində təbii şəlalə kimi tökülür. Villanın həyətində forel vətəgəsi də var. Balıqların üzü aşağı üzüb getməmələri üçün şeylər düzəldilib”.

Bu səpkili yazılar mətbuatda bəs deyincədir və araşdırılması zərurəti də həm məhkəmə işi, həm də gələcəkdə məmur özbaşınalıqlarının qarşısının alınması baxımından zəruridir.(musavat.com)

Xəbərin oxunma sayı : 544