"Football Transfers": "Vest Hem" "Arsenal"ın hücumçusu Folarin Baloquna elçi düşüb. 21 yaşlı forvard cari mövsümü icarə əsasında "Reyms"də keçirib. "Arsenal" gənc futbolçuya əsas heyətdə oynamaq şansı vermədiyi üçün Folarin klubu tərk etmək niyyətindədir. 

"Marca": "Real Madrid" PSJ-nin ulduzu Kilian Mbappeni transfer etmək fikrindən danışıb. Hazırda əla formada olan Vinisius Junior rəhbərlik və məşqçilər korpusunun rəğbətini qazanıb. Bu səbəbdən kral klubu rəhbərliyi Mbappe üçün milyonlar xərcləməkdən imtina edib. Həmin pulun "Borussiya Dortmund"u tərk etməyə hazırlaşan Cud Bellinqemin transferinə xərclənəcəyi bildirilir. 

"Mirror Football": "Liverpul" "Brayton"un futbolçusu Aleksis Mak Allister heyətinə qatmağı planlaşdırır. Klubu Argentina millisinin üzvü üçün 80 milyon avro tələb edir. 24 yaşlı yarımmüdafiəçi "Liverpul"la yanaşı "Arsenal" və "Mançester Yunayted"in də maraq dairəsindədir.