AzFakt

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Pirallahıda DOST işçiləri MİS-ə transfer olunur - Maraqlı təfərrüat…

Türkiyə -““Böyük İsrail” savaşı - Azərbaycan nə etməlidir?

SOCAR rəsmisinin gizli eşq macərası Rumıniya mediasında - Ramil Əsədulzadənin şok görüntüləri

Qaradağ rayonunda qanunsuz daş karxanaları - Başçının müavini himayə edir?

Bir qrup adam ölkəyə gizli yolla mal gətirir - Şəbəkənin başında kimlər dayanır?

General şabalıd biznesindən danışdı: “Piramida qurub, 12-13 nəfəri...“


Tarix 05.11.25, 12:50	Font ölçüsü : - / +

Fövqəladə Hallar Nazirliyinin (FHN) Xüsusi Riskli Xilasetmə Xidmətinin sabiq rəis müavini, general-mayor Raul Zeynalov şabalıd biznesi ilə bağlı yayılan məlumatlara münasibət bildirib.

Raul Zeynalov Qaynarinfo-ya açıqlamasında öncə FHN-nin keçmiş əməkdaşı, kapitan Ayaz Bayramovun onun 1 milyon manata yaxın vəsaitini mənimsəməsi ilə bağlı məlumata münasibət bildirib:

"Əslində hər şey yazıldığı kimi deyil. Təqsirləndirilən şəxs 12-13 nəfərə zərər vurub. Ayaz Bayramov bütün bu dələduzluğu piramida şəkilində edib. Onun axmaqlığından yazmırsız, elə mənim şəkilimi qoyursuz saytlara. Bu nə dərəcə düzdür? Başa düşürəm, hamı reytinq üçün işləyir. Amma mən bunu düzgün hesab etmirəm".

General deyib ki, Ayaz Bayramovu FHN-də çalışdığı zaman tanıyıb:

"Onu FHN-də tanımışam və işbirliyinə getmişəm. Təqaüdə çıxdıqdan sonra Ayaz Bayramovun dələduzluğuna məruz qaldığımı anlamışam. Mənə dəyən zərər bir milyon manatdan azdır. O bizdə çalışırdı və belə adam olduğunu bilməmişik. Təqsirləndirilən şəxs zərərçəkmişləri əsəb xəstəsi edib. Adamlar var ki, evlərini satıb biznesə qoyublar. İndi elələri var ki, evdən çıxarılıblar, qalmağa yerləri yoxdur. Bizə qarşı böyük vicdansızlıq edib..."

Raul Zeynalov bu hadisədən sonra işdən çıxarılması barədə xəbərə belə münasibət bildirib:

"Mən 23 il FHN-də müxtəlif vəzifələrdə çalışmışam. Şükürlər olsun ki, xidmət etdiyim müddətdə nöqsanlara yol verməmişəm. Əksinə, qurumda çalışan insanlara maddi və mənəvi dəstək olmuşam. Hər zaman çalışmışam ki, yaxşlıq edim. Ötən il son yaş həddi ilə əlaqədar öz istəyimlə təqaüdə göndərilmişəm. Zəhmətimlə general rütbəsinə kimi yüksəlmişəm. Baş verən hadisələrin mənim general rütbəmə və yaxud FHN-dəki işimə nə bağlığı var? Şərhlərdə yazacaqlar ki, vəzifədə olduğu vaxt bu qədər pulu hardan qazanıb? Mənim ailəm imkanlı olub və hər hansı əyri yolla qazanc əldə etməyimə ehtiyac qalmayıb. Bir daha deyirəm, zəhmətimizlə bu yerə gəlib çıxmışıq. Əksinə, yuxarıda qeyd etdiyim kimi, öz imkanlarımla FHN-dəki həmkarlarıma dəstək olmuşam. Bax bunlardan da yazın".

Qeyd edək ki, Fövqəladə Hallar Nazirliyinin (FHN) Xüsusi Riskli Xilasetmə Xidmətinin sabiq rəis müavini, general-mayor Raul Zeynalov xidmətdə olduğu dövrdə şabalıd biznesinə sərmayə qoyduğu deyilir. "Qafqazinfo"nun məlumatına görə, nazirlikdə kapitan rütbəsi ilə çalışan Ayaz Bayramovla birgə Qəbələdən Bakıya şabalıd gətirərək qazanc əldə etməyi planlaşdırıb. Ayaz Bayramov generala biznesin genişlənməsi üçün milyonlarla manat tələb olunduğunu deyərək ondan böyük məbləğdə pul alıb.

General istintaqda, Ayazın onu aldadaraq sadəcə şəkillərlə alver görüntüsü yaratdığını bildirib. Lakin o, biznesin uğurlu getdiyinə inanaraq həm şəxsi vəsaitini, həm də qohumlarından borc aldığı pulları bu işə yatırıb, hətta "Lexus”, "BMW” və "Chevrolet” markalı avtomobillərini girov qoyaraq Ayazın adına keçirib.

Hazırda iş Bakı Hərbi Məhkəməsində araşdırılır. Ayaz Bayramov 3 milyon manat mənimsəməkdə ittiham olunur, özü isə generalı hadisələrin təşkilatçısı adlandırır. Cinayət işi üzrə 9 nəfər zərərçəkmiş var və Raul Zeynalovun növbəti iclasda ifadə verməsi gözlənilir.

Xəbərin oxunma sayı : 205