AzFakt

Fransa kəşfiyyatının Bakıdakı məxfi işləri ifşa oldu - Əyləncəli tədbirlər təşkil edib...

“Bizim ərazimizdə icarədar ola bilməz” - Prezident nidanı qoydu!

“Heç vaxt işğalla barışmayın!“ - İlham Əliyev ukraynalılara məsləhət verdi

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Kimə irad bildirməliyik? - Vəzifəsini yerinə yetirməyən Rusiya dövlətinə, yoxsa...


Tarix 24.12.21, 11:03	Font ölçüsü : - / +

Fransada 2022-ci ilin aprelində prezident seçkiləri keçiriləcək. Artıq prezidentliyə namizədlər siyasi kampaniyaya start veriblər. Əvvəlki seçkilərdən fərqli olaraq bu dəfə seçki marafonuna start Sena sahillərindən deyil, İrəvandan başlayıb. Namizədlərdən biri Erik Zemmur artıq keçən həftə Ağrı dağına üz tutub ermənilərə difiramba söyləyərək, onları daim müdafiə edəcəklərinə söz verdi.

Namizədlər bir-birilə yarışa girib özlərini ermənidən də artıq erməni kimi təqdim etmək siyasəti aparır. Makronun da Brüsseldə qəfil peyda olması həm də seçki təbliğatının tərkib hissəsi kimi dəyərləndirilməlidir.

Fransa Respublika partiyasının nümayəndəsi, Fransa prezidentliyinə namizəd Valeri Pekress isə ermənidən ötrü özünü təhlükəyə atmaqdan belə çəkinməyib, başqa namizədlərdən fərqli olaraq yalnız İrəvana yox, Xankəndinə də soxulmaqla yalnız fransalı erməni seçicilərinin deyil, bütün ermənilərin simpatiyasını qazanmağa çalışıb.

Bu fransız qadının (xanım demək heyifdir) səfəri haqqında məlumata diqqət edin: ”Valeri Pekress "Dağlıq Qarabağa" səfərə yollanıb. O yerli siyasi nümayəndələrlə görüşüb. Təhlükəsizlik məqsədilə səfər “Franse TV” daxil olmaqla, əksər Fransa KİV-ləri tərəfindən işıqlandırılmayıb”.

Məlumatı adı çəkilən televiziya kanalının icmalçısı Jyülen Neni “Tvitter” səhifəsində yazıb.

Bu nə deməkdir? Bu, o deməkdir ki, Azərbaycanın ərazisində guya müvəqqəti yerləşdirilmiş Rusiya silahlı qüvvələri üçtərəfli razılaşmaya görə üçüncü dövlətin vətəndaşını, nəqliyyat vasitəsini Laçın dəhlizindən buraxmamalı idi, amma artıq neçənci dəfədir ki, həm vətəndaşların, həm də nəqliyyat vasitələrinin keçməsinə şərait yaradır və sərbəst buraxır.

Bəs, “təhlükəsizlik məqsədilə” deyəndə fransız icmalçı nəyi nəzərdə tutur? Kim Fransa prezidentliyinə namizədin həyatına Laçın dəhlizində, Xankəndində təhlükə yaradasıydı ki? Biz yoxuqsa, deməli, heç kim.

Araik İrəvanda olduğundan, fransız qadın David Babayanla, keşişlə görüşür, fotolar çəkdirir. Keşiş də “siyasi nümayəndə” hesab olunub. Əslində, televiziya icmalçısı doğru deyib. Ermənilərin ən böyük siyasiləri kilsə nümayəndələridir…

Hələ Xankəndinə gəlməzdən əvvəl bu qadın 21 dekabrda İrəvanda mətbuat konfransı keçirib və Azərbaycana xəbərdarlıq edib ki, “təcili erməni əsirləri azad edilməlidir”. Və əlavə edib ki, Parisə qayıdanda “Ermənistana dəstək” adı altında beynəlxalq konfrans çağıracaq. Bu qadın hələ prezident seçilməyib, bizlə ultimativ tonda danışır, sərhədimizi pozur, xəbərdarlıq edir və belə çıxır ki, bunu prezident seçsələr, Makrona şükür etməli olacağıq?..

Biz bu məsələ ilə bağlı kimə irad bildirməliyik? Vəzifəsini yerinə yetirməyən Rusiya dövlətinə, yoxsa dövlət sərhədini pozan fransız qadının vətəndaşı olduğu Fransaya? Mənə elə gəlir ki, ilk növbədə özümüzə!

Bu hadisə imkan verir ki, Azərbaycan Laçın dəhlizinə birgə nəzarət məsələsini qaldırsın və həll etsin. Yoxsa sabah, erməni diasporunun güclü olduğu ABŞ və Rusiyada da prezident seçkiləri keçiriləndə namizədlərin ilk səfərləri məhz Xankəndindən başlayacaq…

(İlham İsmayıl, Təhlükəsizlik sahəsi üzrə ekspert)

Xəbərin oxunma sayı : 1660