AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Baydenin “soyqırımı“ demə səbəbi... - Türkiyəyə qarşı xain həmlə


Tarix 25.04.21, 20:00	Font ölçüsü : - / +

"Baydenin Ərdoğanla son telefon danışığınadək ABŞ administrasiyasının ölkəsinin strateji maraqları naminə "erməni soyqırımı”nı tanıyacağına inanmırdım. Çünki bunu tanıma heç bir mənəvi və əxlaqi məsələ deyil, sırf siyasi spekulyasiyadır”.

AzFakt.com xəbər verir ki, bunu politoloq Ərəstun Oruclu deyib.

Onun sözlərinə görə, ABŞ Prezidenti Baydenin türkiyəli həmkarı Ərdoğana zəng edərək ona "erməni soyqırımı”nı tanıyacağını deməsi göstərir ki, Vaşinqton bu məsələdə "nə şiş yansın, nə də kabab” siyasəti həyata keçirmək istəyir:

"Yəqin ki, bu mənada zəngin əsas məqsədlərindən biri "tanıma” ərəfəsində onsuz da kritik durumda olan Vaşinqton-Ankara münasibətlərinə bunun vura biləcəyi zərbəni bir qədər yumşaltmaqdan ibarət olub. Bəs Vaşinqton Ankaraya "erməni soyqırımı”nı tanımağının əvəzində nə vəd edə bilərdi? Yəqin ki, söhbət ilk növbədə hərbi və iqtisadi sahələrdə əməkdaşlıqdan gedib. ABŞ son illər hər iki sahədə ardıcıl olaraq, NATO üzrə müttəfiqi Türkiyəyə qarşı addımlar atıb. Bunlardan ən ciddisi Ankaranın ”F-35” proqramından çıxarılması və Türkiyə hərbi sənayesinə qarşı sanksiyalar olub. Bəhanə kimi Rusiyadan "S-400” raket-zenit komplekslərinin alınmasını gətirən Vaşinqtonun niyyəti isə tamamilə başqadır və buna hətta uzunmüddətli strategiya da demək olar.

Bugünkü dünyada qlobal güclərin əsas prioritetlərindən biri siyasi və geosiyasi iddialar ortaya qoyan ölkələri texnoloji inkişafdan saxlamaqdan ibarətdir. Müasir texnologiyaların hər şeyi həll etdiyi dövrdə bu, davamlı olaraq geri qalmaq deməkdir. Bu yanaşma da təkcə rəqiblərə deyil, elə müttəfiqlərə qarşı da nümayiş etdirilir. Məsələn, bu məsələdə Vaşinqton hətta İsrailə qarşı xüsusi loyallıq nümayiş etdirmir. Belə siyasətin fəlsəfəsi isə yetərincə sadədir: müasir silah və ya digər avadanlıqlar, texnoloji məhsullar istəyirsənsə məndən al və asılı vəziyyətdə qal”.

Ərəstun Oruclu qeyd edib ki, belə siyasətin indi yürüdülməsi xüsusilə əhəmiyyətlidir, çünki keçən əsrin 70-90 illərindən fərqli olaraq bu gün texnoloji inkişaf imkanları xeyli dövlətlər üçün daha əlçatandır, Türkiyə də həmin ölkələrdəndir:

"Bu da qlobal güclər tərəfindən onların maraqlarına potensial təhdid kimi qəbul olunur. Təsadüfi deyil ki, eyni siyasəti Rusiya postsovet ölkələrə qarşı yürüdür, onları aqrar dövlətlər səviyyəsində saxlamağa çalışır və xeyli dərəcədə buna nail olub da.

Əgər "erməni soyqırımı”nın tanınması qarşılığında Vaşinqton Ankaraya hansısa güzəştlərin ediləcəyi vədini veribsə, o zaman buna inanmağın özü belə sadəlövhlükdür və daha acınacaqlı nəticələr verə bilər. Ən azı ona görə ki, bu gün Vaşinqtonun nəinki verdiyi vədi, hətta imzaladığı müqaviləni də 4 ildən sonra gələcək prezident bircə imza ilə tarixə yollaya bilər. Trampın İranla nüvə sazişindən çıxması buna əyani sübutdur. Ona görə də Ankara "erməni soyqırımı”nı tanıyacağı halda Vaşinqtona hər mənada sərt cavab verməlidir. Əks halda, Türkiyə hər iki tərəfdən zərbə almış olacaq və həm də bu zərbələrin acısını uzun müddət çəkəcək”.

Xəbərin oxunma sayı : 1021