AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

“Sadıq Sadıqov onlarla birləşib maaşları istədiyi kimi kəsir” - VİDEO


Tarix 13.09.21, 16:00	Font ölçüsü : - / +

Cüdo millimizin üzvü, Avropa çempionu Davud Məmmədsoy Azərbaycan Cüdo Federasiyasından narazıdır.

“Qafqazinfo”ya danışan 25 yaşlı idmançı maaşlarının heç bir əsas olmadan federasiya tərəfindən kəsildiyini bildirib.

D.Məmmədsoyun sözlərinə görə, federasiyadakı səlahiyyətli şəxslər cüdoçuların maaşlarından məbləğləri istədikləri kimi kəsirlər:

“Federasiyanın vitse-prezidenti Sadıq Sadıqov, baş katib Elmar Babanlı, mətbuat xidmətinin rəhbəri Elnur Əşrəfoğlu birləşib bizim maaşlarımızı istədikləri kimi kəsirlər. Müqavilənin onlar üçün heç bir əhəmiyyəti yoxdur. İndi də Tokio-2020 Olimpiadasındakı uğursuzluğa görə məvacibləri azaltdıqlarını bildirirlər. Amma mən Olimpiada iştirakçısı deyiləm, sonuncu dəfə İsrailin paytaxtı Təl-Əvivdə “Böyük dəbilqə” turnirində qızıl medal qazanmışam. Həmin nəticədən 2 ay sonra mənim təkidimlə maaşımı 1000 manata qaldırmışdılar. 2-3 ay idi ki, maaşı alırdım. Məşqlərdə dedilər ki, hamının maaşı 70 faiz kəsiləcək. İnanmırdım ki, məndə də belə olsun. Çünki müqaviləyə görə, qızıl medal qazandığım üçün mən 1 il ərzində maaşı almalıydım. 1 ildən sonra əgər nəticəm olmazsa, müəyyən miqdarda məvacibim kəsilə bilər. Məşqçiyə dedim ki, federasiyaya deyin maaşımı kəsməsin. Kirayədə qalıram, idmançı üçün qidalanma vacibdir, məşq etdiyimiz zal elə yerdədir ki, ora avtobusla gedib-gəlmək mümkün deyil. Hələ “Böyük dəbilqə”dən sonra maaşımı qaldıranda düşündüm ki, deyim mənə ayrıca kirayə pulu versinlər, normal şərait yaradılsın, sonra nəticələr də olacaq. Əvvəllər 240, 440 manat maaş almışam. O maaşla mən Avropa çempionu oldum. Amma bu insanların vecinə deyil ki, sən titullu idmançısan, uğurların var. Legionerə isə pul verirlər. Gürcü cüdoçu var idi ki, heç bir uğuru yox idi, amma 1500 manat maaş alırdı”.

İdmançı İsraildəki “Böyük dəbilqə”dən sonra uğursuz çıxışlarını da bu problemlə əlaqələndirir:

“İsraildə zədə almışdım, gəldim müalicə olundum. Məşq eləmədim bir müddət. Sonra Sumqayıtda təlim-məşq toplanışı keçirilirdi. Orada 3-4 nəfər koronavirusa yoluxmuşdu. Məni apardılar, atdılar həmin təlim-məşq toplanışına. Orada koronaya yoluxdum və yenə məşqsiz qaldım. Ondan sonrakı turnirlərdə məhz hazırlıqlı olmadığım üçün uduzurdum. Hiss edirdim ki, yoruluram. Bunları bəhanə gətirirlərsə, onda müqavilədə də qeyd eləsinlər ki, 3 yarış uduzsan, bu maaşı almayacaqsan”.

Məmmədsoy Tokio-2020 Yay Olimpiya Oyunlarında cüdo yığmamızın baş məşqçisi olan Ruslan Maşurenkordan da danışıb:

“O, Azərbaycan yığmasının baş məşqçisi olacaq adam deyildi. Azərbaycanda ondan daha yaxşı məşqçilər var. Ruslan Maşurenko o qədər qeyri-peşəkar adamdır ki, məşqdə fənd göstərdiyi zaman mənim ayağımı sındırdı. Müalicə aldım, bir həftə sonra məni yarışa göndərdilər. Elə vəziyyətdə adamı yarışa aparırlar, uduzursan və deyirlər ki, nəticən yoxdur heç yerə gedə bilməzsən”.

Avropa çempionu federasiyanın vitse-prezidenti Sadıq Sadıqovun qəbuluna düşməyin çətinliyindən də şikayətçidir:

“Sadıq Sadıqovun qəbuluna düşmək çox çətindir. Sanki hansısa dövlət idarə edir və onun görüşmək üçün zamanı yoxdur”.

Məsələ ilə bağlı Azərbaycan Cüdo Federasiyası ilə əlaqə saxladıq. Federasiyanın baş katibi Elmar Babanlı “Qafqazinfo”ya açıqlamasında Davud Məmmədsoyun narazılıqları haqda bunları deyib: “Olimpiadadakı uğursuzluğa görə bütün idmançıların maaşlarını kəsmişik. Son 4-5 ildə bütün fəaliyyətimiz Olimpiadada uğur qazanmağa hesablanmışdı. Davud da tskildə əsas idmançılarımızdan biri idi. Lisenziya almaq uğrunda mübarizə aparırdı və bunun üçün də yaxşı şansları var idi. Lakin Olimpiya tskili başa çatdı və hamı lisenziya qazananları gördü.

Davudun son dövrlərdə ən uğurlu çıxışı Təl-Əvivdə qızıl medal qazanması olub. Ondan sonrakı yarışlarda isə uğursuz olub. Ən son Budapeştdə dünya çempionatında uduzdu. Onun çəkisində olan digər idmançı isə reytinq xalları qazanaraq Olimpiadaya gedib. Bütün bunlar nəzərə alınaraq maaşlara yenidən baxılıb. Davudun maaşı ondan sonra Azərbaycan çempionu maaşı səviyyəsinə endirilib. Nəticə olsa, yenə maaş artırılacaq.

Davud bizimlə şantaj dili ilə danışır, deyir ki, əgər maaşımı əvvəlki səviyyəyə qaldırmasanız, başqa cür hərəkət edəcəyəm. Ona əlavə 400 manat da kirayə pulu ayrılması üçün göstəriş aldım. Lakin o, başqa cür danışır. Ona sual veririk ki, niyə bu yarışlarda uduzmusan? Deyir ki, həmişə qalib gəlməli deyiləm ki. Biz də nəticə verməyənin maaşından azaldıb nəticəsi olanın maaşına əlavə edirik. Büdcəmiz məhduddur".