AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Maltadan 1.5 milyon dollara “qızıl” pasport alan Murad Əfəndiyev kimdir...- FOTO


Tarix 10.01.22, 10:55	Font ölçüsü : - / +

Xəbər verildiyi kimi Malta hökuməti 2020-ci il ərzində bu ölkədən pulla vətəndaşlıq alan əcnəbilərin siyahısını dərc edib. Ötən ay dekabrın 28-də dərc edilmiş siyahıda Azərbaycandan olan şəxslərin də adları yer alır. O cümlədən siyahıda yer alanlardan biri Rusiya vətəndaşı olan azərbaycanlı Murad Əfəndiyevdir.

Maltadan vətəndaşlıq, yaxud “qızıl pasport” almaq üçün aşağıdakı şərtlərin yerinə yetirilməsi tələb olunur:

-Malta milli inkişaf fonduna €650000 köçürmək;

-Malta qiymətli kağızlarına və ya səhmlərinə €150000 yatırmaq;

-Qiyməti azı €350000 dəyərində olan bir mülk almaq (və ya illik azı €16000 məbləğə onu kirayəyə götürmək);

Bu xərclər ümumilikdə €1 150 000 məbləğdə pul deməkdir.

Zəngin əcnəbilərə bu sxemlə vətəndaşlıq verilməsi Maltada 2014-cü ildən tətbiq edilir və bir qayda olaraq həmin sxemdən korrupsionerlər, şübhəli imicə malik biznesmenlər yararlanır.

“The Shift News” bu siyahını analiz edib və məlum olub ki, 2020-ci ildə Maltadan vətəndaşlıq alan əcnəbilər arasında yenə də Şərqi Avropa və keçmiş sovet respublikalarından olanlar dominantlıq edir. O cümlədən siyahıda Rusiya prezidenti Vladimir Putinə yaxın hesab edilən biznesmenlər də var. Baxmayaraq ki, Rusiyada ikili vətəndaşlığa yol verilmir.

“Qızıl” pasportu alan Murad Azər oğlu Əfəndiyev Rusiyada biznes fəaliyyəti ilə məşğuldur, “Netris” şirkətinin direktorudur və Malta vətəndaşlığını bu şirkətin təsisçisi Timur İsayevlə birlikdə alıb.

“Netris” Rusiyada videomüşahidə və mühafizə sistemləri, rabitə operatorları və şəhər administrasiyası üçün IPTV sistemlərinin quraşdırılması üzrə geniş çeşiddə xidmətlər, intellektual həllər, proqram təminatı təklif edən iri şirkətdir. O cümlədən Moskva şəhərində üztanıma kameraları şəbəkəsinin quraşdırılmasını bu şirkət həyata keçirib. 2019-cu ilin sonlarında “Rostelekom” şirkəti “Netris” şirkətinin səhmlərini 1.7 milyard rubla alıb. Sövdələşmə “Rostelekom”un Başqırdıstandakı törəmə şirkəti olan “Başinformsvyaz” şirkəti üzərindən həyata keçirilib.

“Netris” şirkətinin şəhər administrasiyası üçün videomüşahidə sistemlərinin quraşdırılması üzrə göstərdiyi xidməti Rusiya məmurları çox bəyənib. O cümlədən Moskva meri Sergey Sobyanin şirkətin quraşdırdığı üztanıma sistemlərini tərifləyib. Bu sistem hüquq-mühafizə orqanlarına cinayətkarları yaxalamağa imkan verir, məmurlar isə onun köməyi ilə öz ofislərini tərk etmədən bir çox işləri həll edirlər.

Murad Əfəndiyev 1978-ci ildə Moskvada anadan olub, 2000-ci ildə Moskva Aviasiya İnstitutunu tətbiqi riyaziyyat, proqramlaşdırma ixtisası üzrə bitirib. 2006-cı ildən “Netris” şirkətində IPTV istiqamətində rəhbərlik edib. 2007-ci ildə şirkətin texniki direktoru olub. 2010-cu ildə isə şirkətin baş direktoru təyin edilib.

virtualaz.org

Xəbərin oxunma sayı : 619