AzFakt

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Xomeyninin nəvəsi İranın yeni Ali liderinin seçilməsində əsas fiqura çevrilə bilər - Reuters


Tarix 03.03.26, 12:00	Font ölçüsü : - / +

Ruhani elita daxilində varislik müzakirələri fonunda Həsən Xomeyninin adı ön plana çıxır...

Bu barədə Reuters Agentliyi məlumat yayıb.

Agentlik yazır ki, İran İslam Respublikasının banisi ayətullah Ruhulla Xomeyninin nəvəsi Həsən Xomeyni ölkənin hazırkı Ali Lideri ayətullah Əli Xameneini əvəz edəcək şəxsin müəyyənləşdirilməsi prosesində mühüm rol oynaya bilər. Məlumata görə, ruhani dairələrdə varislik məsələsi ilə bağlı məsləhətləşmələr intensivləşdiyi bir vaxtda Xomeyninin adı həm mümkün namizəd, həm də təsirli vasitəçi kimi hallanır.

53 yaşlı Həsən Xomeyni baninin 15 nəvəsi arasında ən tanınmış sima hesab olunur və ruhani elita daxilində nisbətən mülayim mövqeyi ilə seçilir. O, islahatçı qanadla, o cümlədən İranın sabiq prezidentləri Məhəmməd Xatəmi və Həsən Ruhani ilə yaxın əlaqələri ilə tanınır. Hər iki sabiq prezident Qərblə dialoq və qarşılıqlı anlaşmanın tərəfdarı kimi çıxış edib. Həsən Xomeyni Tehranda babasının məqbərəsinin qoruyucusu kimi simvolik rol oynayır və indiyədək rəsmi dövlət vəzifəsi tutmayıb.

Bəzi siyasi dairələr onu Xamenei dövründə güclənmiş sərt xətt tərəfdarlarına alternativ fiqur kimi qiymətləndirir. Bu kontekstdə Xameneinin oğlu Müctəba Xameneinin adı da mümkün varis kimi çəkilir. Yanvar ayında ölkədə baş vermiş etirazlar fonunda bir sıra siyasətçilər daha mülayim xətt tərəfdarının seçilməsinin İran İslam Respublikasının daxili və xarici mövqelərini möhkəmləndirə biləcəyini düşünür.

Həsən Xomeyni zaman-zaman islahat çağırışları və hakimiyyətə yönəlmiş tənqidi fikirləri ilə diqqət çəkib. O, 2021-ci ildə Konstitusiyanın Keşikçilər Şurasını islahatçı namizədlərin seçkilərə buraxılmamasına görə tənqid etmiş, bunun nəticəsində İbrahim Rəisinin prezident seçkilərində qələbə qazandığını bildirmişdi. Rəisi 2024-cü ildə baş vermiş helikopter qəzasında həlak olub. Həsən Xomeyni həmçinin 2022-ci ildə Məhsa Əmininin ölümündən sonra hadisənin şəffaf şəkildə araşdırılmasını tələb edərək, rəsmi qurumların ictimaiyyətə aydın izahat verməli olduğunu vurğulamışdı.

Bununla yanaşı, o, siyasi sistemə sadiqliyini də açıq şəkildə ifadə edir. Kütləvi etirazlar zamanı hökumət əleyhinə səsləndirilən şüarları tənqid edib, rəsmi tədbirlərdə iştirak edib və iğtişaşlarda iştirak edənləri xarici qüvvələrin təsiri altında olmaqda ittiham edib.

Xomeyniyə yaxın mənbələr onu “proqressiv teoloq” kimi xarakterizə edir. Onun qadın hüquqları, sosial azadlıqlar, Qərb fəlsəfəsi və islam düşüncəsi kimi mövzulara maraq göstərdiyi bildirilir. O, Həsən Ruhani hökumətini və 2015-ci ildə imzalanmış nüvə sazişini dəstəkləyib. Həmin saziş 2018-ci ildə ABŞ tərəfindən birtərəfli qaydada ləğv edilib. Həsən Xomeyni ABŞ-nin tətbiq etdiyi sanksiyaların İran iqtisadiyyatına və əhalinin sosial vəziyyətinə ağır təsir göstərdiyini dəfələrlə açıq şəkildə dilə gətirib.

Xəbərin oxunma sayı : 394