AzFakt

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

Putin zəiflədikcə köhnə SSRİ yenidən dağılır


Tarix 21.09.22, 21:12	Font ölçüsü : - / +

“Rusiya prezidenti Vladimir Putinin yeni SSRİ yaratmaq cəhdi köhnə SSRİ-nin son dövrlərindəki qan-qadaya, xaosa təkan verir”.

Novator.az-ın məlumatına görə, ABŞ-ın “Politico” qəzetində dərc edilmiş məqalədə belə deyilir.

Bildirilir ki, Kreml Rusiyanı Avrasiya qitəsində yerləşən, 30 ildən bir qədər çoxdur müstəqillik qazanmış dövlətlərə hakim olduğu zamana qaytarmağa çalışır: “Ancaq bu cəhd əks effekt verir və həmin dövlətləri Rusiyadan daha da uzaqlaşdırır.

Prezident Vladimir Putin Ukraynaya hücuma keçəndə 1950-ci illəri, yəni Sovet İttifaqının zirvədə olduğu dövrü bərpa edəcəyinə ümid bəsləyirdi. Əvəzində o, postsovet məkanında 1991-ci ildən, Sovet İttifaqı dağılandan sonra görünməmiş bir xaosa yol açıb.

Kreml diqqətini Ukraynada apardığı qanlı müharibə üzərində cəmləyib. Bu isə Şərqi Avropada, Qafqazda, Mərkəzi Asiyada yerləşən, vaxtilə rus imperiyasının tərkibində olmuş, SSRİ dağılandan müstəqillik əldə etsə də Moskvanın təsir dairəsindən çıxmamış ölkələrin sanki başlı-başına qalması ilə nəticələnib və indi həmin ölkələrin açıq-aşkar “asilik” etməyə girişdiyini görmək mümkündür.

Rusiya keçmiş təbəələri arasında nüfuzunu itirdikcə yeni münaqişələr alovlanır, yeni müttəfiqliklər qurulur və köhnə toqquşmalar baş qaldırır”.

Məqalədə deyilənlərə sübut kimi son günlər Ermənistan-Azərbaycan, Tacikistan-Qırğızıstan sərhədində çoxsaylı itkilərə gətirib çıxarmış silahlı qarşıdurmalar misal göstərilir. Eyni zamanda Rusiyanın cəhdlərinə baxmayaraq Qazaxıstan, Moldova və Gürcüstanda Kremlin arzularına və maraqlarına zidd siyasi kursun gücləndiyi, rəsmi səviyyədə Moskva əleyhinə açıqlamalara rast gəlindiyi vurğulanır. Başı Ukrayna müharibəsinə qarışmış və son zamanlar Ukrayna cəbhəsində geriləməyə məcbur olmuş Rusiya hakimiyyətinin isə bu prosesləri, yəni postsovet məkanındakı qabarmaları cilovlaya bilmədiyi qeyd olunur.

Məqalədə bildirilir ki ötən həftə Şanxay Əməkdaşlıq Təşkilatının Özbəkistanın Səmərqənd şəhərində keçirilən sammiti də Moskvanın, Vladimir Putinin mövqelərinin zəiflədiyinə dəlalət edib: “Putin Səmərqənddə Çin Xalq Respublikasının sədri Si Cinpinlə də görüşdü və sonradan etiraf etdi ki, Çinpinin Ukrayna müharibəsi ilə bağlı sualları, narahatlıqları olub.

Cinpinin mətbuat üçün bəyanatının da çox ehtiyatla hazırlandığını sezmək mümkündür. O, mətbuata açıqlamasında dedi ki, Çin Rusiya ilə işləməyə “dünyanın və zəmanənin dəyişdiyi, tarixi dəyişikliklərin baş verdiyi bir dövrdə böyük güclərin məsuliyyət daşıdığını sərgiləmək, habelə xaos içində olan dünyaya sabitlik və müsbət enerji aşılamaq” şərtləri çərçivəsində hazırdır.

Halbuki Moskva bu ilin fevralında Ukraynaya hücum çəkəndən bir qədər əvvəl Putinlə görüşən Cinpin onun ölkəsi ilə Rusiya arasında tərəfdaşlığın hüdudsuz olduğunu bəyan etmişdi. Çin liderinin Səmərqənddə dedikləri əvvəlki bəyanatının ruhuna heç uyğun gəlmir.

Çinpin Səmərqənddə onu da vurğuladı ki, Çin Qazaxıstana müstəqilliyin, suverenliyin və ərazi bütövlüyünün müdafiəsi məsələsində hərtərəfli dəstək verəcək.

Açıq-aydın görünür ki, bölgədə yeni nüfuzlu oyunçu meydana çıxıb”.

Mənbə: Politico.eu

Xəbərin oxunma sayı : 667