Yeniavaz.com xəbər verir ki, ötən ilin eyni dövrü ilə müqayisədə ixrac olunan qeyri neft məhsulları dəyər ifadəsində 177 milyon dollar azalıb.

Qeyd edək ki, qeyri neft məhsullarının ixracı dəyər ifadəsində azalsa da, ümumi ticarət dövriyyəsindəki payı 9,9%-dən 12,4%-ə yükəslib. Buna səbəb isə neft-qaz ixracında qeydə alınan azalma olub.

Bu ilin ilk yarısında xaricə 7 milyard dollarlıq xam neft (ümumi ixracın 54,3%-i), 4,1 milyard dollarlıq təbii qaz (ümumi ixracın 31,5%-i) ixrac edilib. Müqayisə üçün bildirək ki, ötən ilin eyni dövründə xaricə 7,8 milyard dollarlıq xam neft (ümumi ixracın 43,4%-i), 8 milyard dollarlıq təbii qaz (ümumi ixracın 44,7%-i) ixrac olunub.