Xezerxeber.az-ın məlumatına görə, Kənd Təsərrüfatı Nazirliyinin mətbuat katibi Vüqar Hüseynov deyib ki, aqrar sahənin inkişafı, fermerlərin və təsərrüfat sahiblərinin stimullaşdırılması üçün verilən subsidiyalardan bəzi hallarda təyinatı üzrə istifadə edilmir.

İnzibati Xətalar Məcəlləsinə edilən dəyişikliyə görə bundan sonra belə neqativ halların qarşısı alınacaq.

Dəyişikliklərə əsasən, vurulmuş ziyanın 2 mislindən 4 mislinədək miqdarda cərimə tətbiq olunacaq. Əgər fermer yanlış məlumatlar əsasında 500 manat subsidiya alıbsa, bu zaman o, 1000 manatdan 2000 manata qədər cərimə ediləcək. Elektron sistemə daxil edilən məlumatların düzgünlüyünü yoxlamaq üçün davamlı olaraq monitorinqlər aparılacaq.