Qaynarinfo xəbər verir ki, bu haqda o "Asharq Al-Awsat”a verdiyi müsahibədə deyib. Huk Kaaninin bu vəzifədəki sələfi general Qasım Suleymani kimi öldürülə biləcəyini bəyan edib.

Xüsusi nümayəndənin sözlərinə görə, ABŞ hələ də İranın amerikalılara hücumlarına qətiyyətli cavab verməyə hazırdır.

Huk xatırladıb ki, ABŞ Prezidenti Donald Tramp Süleymanini aradan götürməklə verdiyi sözü əməliylə də sübut edib:

"Kaani də amerikalıları öldürməyə davam etsə, o da eyni aqibətlə üzləşəcək. Prezident Tramp bir neçə il əvvəl izah etdi ki, amerikalılara və ya ABŞ-ın maraqlarına edilən hər hansı bir hücum qətiyyətli cavab alacaq və prezident də bunu nümayiş etdirdi”.

Xatırladaq ki, Süleymani yanvarın 3-də ABŞ hərbçilərinin keçirdiyi xüsusi əməliyyat zamanı Bağdad hava limanının yaxınlığında öldürülüb. Buna cavab olaraq İran ABŞ-ın İraqdakı bazalarına hücum etdi.