1 stəkan təbii alma sirkəsinə axşamdan 1 xörək qaşığı arpa qarışdırın, səhər vam odda 10 dəqiqə qaynadın, soyuduqdan sonra süzün, dəmrov, ekzema və səpgilərə gündə 3 dəfə vurun. Bu resept əla effekt verir.

Gec sağalan ekzema və dəmrovlar üçün belə də edə bilərsiniz: 1 ovuc arpa ununa təbii alma sirkəsi əlavə edib yoğurulur, dəmrov və ekzemaların üstünə qoyub bağlayın, 2-4 saat saxlayıb yuyun. 

Arpa dəmləməsində zəngin fosfor vardır. Fosfor beyin inkişafı üçün olduqca faydalıdır.

Arpa dəmləməsinin hazırlanılması: 2 xörək qaşığı arpa 3 stəkan suda əvvəlcə 4-5 saat saxlanılır, 10 dəqiqə vam odda qaynadılır, süzülür, gündə 3 dəfə yeməkdən 30 dəqiqə əvvəl 1 stəkan içilir.

 Arpa dəmləməsi nə qədər faydalı olsa da, arpa cücərtisi daha çox effeklidir. Belə ki, gündə 2 xörək qaşığı arpa 1 gün suda saxlanılır, sonra dayaz bir qaba sərilir və üstünə yaş pambıq parça qoyulur, 2-3 günə cücərmə baş verir.

 Cücərmiş arpa yuyulur, salatlara qarışdırılaraq yeyilə bilir və ya cücərmiş arpa 2 stəkan suda 1 gün saxlanılır və səhər tezdən ac qarına içilir. 

Yuxarıda saydığımız bütün faydalar arpa cücərtisində də vardır. 2 qoşa ovuc arpa 3-4 litr suda 20 dəq qaynadılır süzülür, hamam vannasnda vanna edilir dəri gözəlliyi, dəri parlaqlığı və dəri canlanması üçün əla bir vasitədir.