AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Bakıda İngiltərə vətəndaşının evindən oğurluq - Hadisəni bağban törədib


Tarix 12.09.26, 20:00	Font ölçüsü : - / +

Bakıda İngiltərə vətəndaşının kirayə yaşadığı evdən noutbuk oğurlayan şəxsə hökm oxunub.

AzFakt.com "Qaynarinfo"ya istinadən xəbər verir ki, hadisə Səbail rayonunun Badamdar qəsəbəsində baş verib.

Təqsirləndirilən şəxs ev sahibini və onun həyat yoldaşını təxminən 5 ildir tanıyıb. O, onların həyətində bağbanlıq edib, evdə elektrik və digər təmir işlərini görüb, bunun müqabilində gündəlik ödəniş alıb.

İttihama görə, o, ev sahibinin həyət və ev qapısının açıq olmasından istifadə edərək mənzilə daxil olub. Birinci mərtəbədəki dəhlizdə masanın üzərində qoyulmuş “Asus A540U” markalı noutbuku görərək götürüb, bel çantasına qoyaraq özü ilə aparıb.

Noutbukun dəyəri iş materiallarında 680 manat göstərilsə də, zərərçəkmiş şəxs onu hadisədən təxminən bir ay əvvəl ikinci əl olaraq 850 manata aldığını bildirib.

Təqsirləndirilən şəxs məhkəmədə ittihamı qəbul edib. O deyib ki, həyət və ev qapısının açıq olduğunu görüb. Evə daxil olduqda masanın üzərində noutbuku görüb və ani olaraq onu satmaq niyyəti ilə götürüb.

Onun sözlərinə görə, həmin gün axşam noutbuku geri qaytarmaq üçün evə gedib, lakin qapının bağlı olduğunu görüb. Buna görə də cihazı evin yaxınlığında gizlədib. Daha sonra polis tərəfindən saxlanılıb.

Zərərçəkmiş şəxs bildirib ki, 2020-ci ildən İngiltərə vətəndaşı olan həyat yoldaşı və üç azyaşlı uşağı ilə birlikdə Badamdar qəsəbəsində kirayə evdə yaşayır. Noutbukdan həm özü, həm də həyat yoldaşı istifadə edib.

O, noutbukun itdiyini axşam saatlarında, birinci mərtəbəyə düşərkən aşkar edib. Əvvəlcə cihazın həyat yoldaşı tərəfindən işə aparıldığını düşünüb. Lakin bunun belə olmadığı məlum olduqdan sonra noutbukun oğurlandığını başa düşərək polisə məlumat verib.

Zərərçəkmiş şəxsin sözlərinə görə, evdə uzun müddətdir təmizlik işləri görən qadın və təqsirləndirilən şəxs ailəyə tanış olublar. Təqsirləndirilən şəxs bağbanlıq və elektrik işləri üçün evə çağırıldığından, mənzilə daxil olmaq imkanı olub.

Oğurlanan noutbuk sonradan polis tərəfindən tapılaraq sahibinə qaytarılıb. Cihazın üzərindəki cızıqlar səbəbindən əlavə olaraq təxminən 200 manatlıq maddi ziyan yarandığı bildirilib.

Zərərçəkmiş şəxs isə hazırda təqsirləndirilən şəxsdən şikayət və tələbinin olmadığını deyib.

Məhkəmə təqsirləndirilən şəxsi Cinayət Məcəlləsinin 177.1-ci maddəsi (oğurluq, yəni özgənin əmlakını gizli olaraq talama) ilə təqsirli bilib. Ona 1 il 3 ay müddətinə azadlığın məhdudlaşdırılması cəzası təyin edilib. Təqsirləndirilən şəxsin saxlanıldığı 1 gün isə Cinayət Məcəlləsinin 69.3-cü maddəsinə əsasən 2 gün hesablanıb. Nəticədə onun üzərində qəti olaraq 1 il 2 ay 28 gün müddətinə azadlığın məhdudlaşdırılması cəzası saxlanılıb.

Xəbərin oxunma sayı : 172