Kamala Harrisin həyat yoldaşı Doq Emhoff vitse-prezident seçilən qadının ilk həyat yoldaşı kimi tarixə imza atır.

DePauw Universitetinin tarix üzrə dosenti Sara Roliy deyir ki, bu, gender bərabərliyi üçün çox böyük bir addımdır.

“Bu, məhdud cins rolları ilə bağlı onilliklərdəki feminist çağırışları üzərində qurulmuş tərəqqini əks etdirir. Bu, eyni zamanda bu vəziyyətdə ilk dəfə olduğumuzu nəzərə alsaq gender bərabərliyinə çatmaq üçün nə qədər görülməli iş olduğunu göstərir: ilk prezident seçkilərindən 232 il, 19-cu düzəlişdən yüz il və bir qadının böyük bir partiyadan seçkilərə prezident və vitse-prezident kimi namizədliyini irəli sürməsindən sonra ilk haldır. ”

Emhoff əsas partiyaların prezident və ya vitse-prezident namizədlərinin həyat yoldaşı olan dördüncü kişidir. 1984-cü ildə Volalter Mondeyl ilə Ceraldin Ferraro, 2008-ci ildə Con Makkeyn və Sara Peylin və 2016-cı ildə Hillari Klinton və Tim Keyhdan sonra.

New Haven Universitetindən Metyu Şmit deyir ki, Emhoff əvvəlcədən formalaşmış fikirləri müxtəlif yollarla dəyişə bilib.

“Cənab Emhoff işini tərk edir, bu adətən və əslində əvvəlki birinci və ikinci xanımlarının gördüyü işdir. Düşünürəm ki, Cill Baydenin işini tərk etməməsi də vacibdir. Emhoff xristian deyil. Yəhudidir, bu da ilk irəliləyişdir və əlbətdə həyatda boşanma sonrası qarışıq ailələrin uşaqları həm irqi, həm də başqa yollarla gətirilən bir evliliyi göstərir. Bu yeni ailədə ‘momala’ olan vitse-prezidentiniz var. ”

Harris deyir ki, “mama” və “Kamala” nın qarışığı olan Momala adı ilə onu ögey uşaqları çağırır.

Harris Co Baydenin seçkilərin qalibi elan edildiyi gecə Emhoffla gülümsəyərək çəkdirdiyi bir fotoşəkilini tweet edib. 11,5 milyon izləyicisinə “Həyatımın sevgisi ilə tanış olun” – deyə, yazıb.

“Emhoff həqiqətən ailəcanlıdır. Kampaniya zamanı iştirakı həqiqətən Kamala Harrisa olan sevgisini göstərdi, Onların sevgi hekayələrinə çox diqqət ayırdıqlarını, ər və ata roluna diqqət yerdiyini gördük” – deyə, Sara Roliy bildirib.

2013-cü ildə tanış olan bu cütlük bir il sonra evlənib. Bu, Harrisin ilk, Emhoffun ikinci evliliyi idi; övladları 20 yaşlarındadır.

İndiyə qədər 56 yaşlı ikinci centlmen hansı məsələlərə diqqət ytirəcəyi barədə çox az danışıb.

“Mənim təxminlərin kampaniyada etdiyi şeylərdən qaynaqlanır, o, kampaniyada olduqca sakit iştirak edirdi və mən onu Ağ Evdə də sakit rol seçəcəiyini düşünürəm” , Metyu Şmit deyib.

Bəziləri Harrisi nümunə kimi göstərsələr də, həyat yoldaşının karyerasını öz karyerasından üstün tutan Emhoffa eyni gözlə baxmaq olar.