AzFakt

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

May bitir, gilas bitmir: Meyvələrin qiyməti niyə əl yandırır?


Tarix 21.05.22, 16:39	Font ölçüsü : - / +

Artıq may ayının sonlarına yaxınlaşırıq. Təbii ki, hər kəs meyvə və tərəvəzə üstünlük verir. İnsanlar daha çox meyvə almaq üçün bazarlara, marketlərə üz tuturlar. Amma meyvə od qiymətinə...

Əvvəlki illərdə yerli meyvələr mart-apreldə baha olurdu, may ayında isə münasib qiymətə tapmaq mümkün idi. Artıq may bitmək üzrədir, amma insanlar piştaxtalardakı meyvələrə yalnız baxa bilirlər...

Siz bazara gedib, bir neçə çeşiddə hərəsindən bir kiloqram meyvə alsanız, ən azı 40-60 manatınızdan keçməli olacaqsınız.

Bir kiloqram çiyələk 3-6,50 manata, bir kq gilas 13-23 manata, bir kq tut 6 manata, bir kq alça 7-10 manatadır.

Deputat Vüqar Bayramlı Oxu.Az-a açıqlamasında bildirib ki, aparılan monitorinqlər istehlak bazarında kənd təsərrüfatı məhsullarının çox yüksək qiymətə təklif olunduğunu göstərir:

“Bu da inflyasiya yaradır. Yerli məhsulların qiymətlərinin optimallaşdırılması üçün süni qiymət artımının qarşısı alınmalıdır. Nəzərə alsaq ki, Nazirlər Kabineti tərəfindən antiinflyasiya tədbirləri qəbul olunub, onlardan biri də süni qiymət hallarının artırılmasına qarşı mübarizənin aparılmasıdır.

Bütün hallarda təklif olunan məhsullar üzrə xərcdə ciddi fərqlər yoxdursa, qiymətlərin yüksək təklif olunması artım deməkdir. Əvvəlki dövrlərdə xaricdən nisbətən ucuz kənd təsərrüfatı məhsulları idxal olunurdu, indi bir sıra aqrar ölkələr məhsul ixracatını məhdudlaşdırıb. Bu da bizim istehsal bazarına öz təsirini göstərir. Qiymətlərin optimallaşdırılması üçün monitorinqlər davam etdirilməlidir”.

Oxuculara Kənd Təsərrüfatı Nazirliyi yanında Aqrar Tədqiqatlar Mərkəzinin məlumatına əsasən 2019-cu ilin may ayında meyvələrin qiymətini təqdim edirik:

2021-ci ilin may ayında gilasın bir kiloqramının qiyməti 1,50 manat təşkil edirdisə də, indi ən ucuzu 13 manatadır...

Kənd təsərrüfatı eksperti Cəfər İbrahimli Oxu.Az-a açıqlamasında bildirib ki, bazarlarda satılan yerli meyvə-tərəvəzlərin qiyməti may ayı üçün yüksəkdir:

“Bu rəqəmi əvvəlki iki-üç illə qarşılaşdıranda qiymətlərdə çox ciddi artımın olduğunun şahidi oluruq. Bunun bir neçə səbəbi var. Tərəvəz qiymətlərinə enerji, herbisid, gübrə və əməkhaqqı artımları təsir edib. Eyni zamanda, idxal olunan meyvə-tərəvəzlərin qiymətlərində də müəyyən bir artım var. Bu da beş-altı faiz həcmində idxal inflyasiyası kimi təsir edir”.

Məhsulların qiymətlərinin baha olmasının digər səbəbi isə son illər ölkədə qeyri-münasib hava şəraitinin olması göstərilə bilər.

Məsələn, 2017-ci ilin may ayının bugünkü günü bağlarda gilas tam yetişmişdisə, bu gün hələ də bağbanlar nübar etməyiblər.

Fərq üçün şəkil təqdim edirik:

Ekspertin sözlərinə görə, havaların qeyri-sabit keçməsi meyvələrlə bağlı ciddi çətinliklərə səbəb olacaq:

“İstehsalın həcminin kəskin düşəcəyi və qiymətlərin artacağı görünür. İki-üç il əvvəllə müqayisədə qiymətlər həddən artıq çox olsa da, bu o qədər də təsir etməməli idi”.

Bütün bunları nəzərə alsaq, bu il meyvə-tərəvəzin qiymətində ciddi ucuzlaşmanın olacağını gözləmək olmaz...

Xəbərin oxunma sayı : 817