AzFakt

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Milli Oftalmologiya Mərkəzini “bazar“a kimlər çevirib? - ŞİKAYƏT


Tarix 12.02.20, 17:06	Font ölçüsü : - / +

"Gəncədən Bakıya 350 kilometr yol gedib Akademik Zərifə Əliyeva adına Milli Oftalmologiya Mərkəzində müasir, nizam-intizamlı xəstəxana, qayğıkeş həkimlər əvəzinə "bazar"la rastlaşacağımı heç zaman xəyal etməzdim".

Bu sözlər Qlobala.az-a Gəncə şəhərindən göndərilən şikayət məktubunda deyilir.

Şikayətçi qeyd edir ki, orta məktəblərdə verilən tətildən istifadə edərək yanvar ayının 28-də övladını akademik Zərifə Əliyeva adına Milli Oftalmologiya Mərkəzinin uşaq bölməsinə müayinəyə gətirib. Övladının gözünün zəif gördüyündən şübhələnən valideyn üz tutduğu tibb müəssisəsində qarşılaşdığı ilk mənzərədən dəhşətə gəldiyini deyir.

Elmar Qasımov, Mərkəzin direktoru

"Qəbul otağı yoxsa "Bazar"?

"Səhər saat 9 radələrində Mərkəzin uşaq bölməsində qəbula düşdüm. İlk öncə girişdə dayanan mühafizəçi gənc məktub markaları boyda nömrələnmiş kağız parçası verərək bizi böyüklü-kiçikli, qadınlı-uşaqlı bir otağa yönləndirdi. Təxminən 80-90 kvadratmetrlik otaqda səs-küy əlindən qulaq tutulurdu. Otaqda havalandırma sisteminin olmaması, pəncərələrin açılmaması, üstəgəl bu boyda otağa 100-ə qədər uşaqlı-böyüklü adamın yığılması içəridə çox acınacaqlı durum yaratmışdı. Burada gərginliyi artıran digər səbəb isə bu qədər adamların mühafizəçi gəncin ixtiyarına verilməsidir. Heç bir həkimin və ya digər məsul şəxsin qəbul otağına gəlməməsi havasız otaqda növbədə qalan insanları daha da əsəbiləşdirirdi. Buradakı səsi eşidib, görməyən adam elə bilərdi ki, bura ya hansısa vağzal, ya da hansısa bazardı..."

"Növbə sistemi" pulu aparata salana kimidir...

"80-90 kvadratmetrlik qəbul otağında başqa bir problem otaracaqlarla bağlıdır. İnsanların böyük hissəsi ayaqüstə qalmağa məcburdu. Əksəriyyəti də qucağı körpəli analar. Biz siyahıda 54-cü adam idik. Uzun sürən məşəqqətdən sonra nəhayət ki, növbə bizə çatdı. İçəri girdik. Ödəniş aparatının yanında iki həkim əyləşmişdi. Uşağın problemini soruşdular. Elə bildim həkim bunlardır. Dedim ki, gözü zəif görür. Məndən 30 manat istəyib aparata saldılar. Aldığım çeklə yenidən başqa yerdə növbəyə dayandım. Uşağın gözünü aparata salacaqdılar. Burada heç bir növbə yox idi. Səs-küy, növbəsizlik...

Səbinə Məcidova, baş həkim

Baş həkimin "oxrana"sı var?

Həkimlərdən baş həkimin yerini öyrənib 3-cü mərtəbəyə qəbuluna şikayətə getdim. Burada da qəbulda təxminən 15-20 nəfər var idi. Dedilər baş həkim harasa gedib. Hər 10 dəqiqədən bir bir ağxalatlı gəlib deyirdi ki, baş həkim əməliyyata gedib, gələcək. Təxminən 40 dəqiqə gözlədikdən sonra Səbinə adlı baş həkim gəlib kabinetinə keçdi. Bayaqdan qəbulda onu gözləyənlər ümidlənərək qalxıb həkimin otağına keçmək istəyəndə yaşı təxminən 50-55 yaşlarında olan bir şəxs bizim qarşımızı kəsib problemimizlə maraqlanmağa başladı. Ondan baş həkimin yanına gedib problemimizi deyəndə isə bizə problemi ona deməyimizi istədi. Ondan kimliyini soruşduq. Dedi ki, "oxrana"nın rəisidir...

Şikayətçi qeyd edir ki, klinikada "Qartal" firmasının əməkdaşları mühafizə xidməti yerinə yetirirlər. Ancaq baş həkimin qapısı ağzında "post" yaradan "oxrana rəisi" mülki geyimdə olub. Üzərində isə şəxsiyyət və vəzifəsini bildirən heç nə olmayıb.

Şikayətçi bu məktubu redaksiyamızın elektron ünvanına göndərərək qarşılaşdığı vəziyyətin işıqlandırılmasını istəyir. Ümid edir ki, bundan sonra Mərkəzdə belə neqativ hal yaşanmaz.

Məsələyə Milli Oftalmologiya Mərkəzindən münasibət bildirmədilər.

Xəbərin oxunma sayı : 562