AzFakt

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

Azərbaycanlı killer milyarder Teddi Saqini öldürməyə gedibmiş - “Rusiyalı şəriki son anda qaça bilib“


Tarix 04.10.21, 21:00	Font ölçüsü : - / +

Bir neçə gün əvvəl Kiprdə yaxalanan azərbaycanlı killerin (Rusiya vətəndaşlığı daşıyır, - red.) yəhudi milyarder Teddi Saqini öldürmək üçün göndərildiyi üzə çıxıb.

AzFakt.com virtualaz.org-a istinadla xəbər verir ki, bu haqda “The Times of İsrael” nəşri yazır. Bildirilir ki, milyarder ölümdən son anda qurtulub və sui-qəsd planı haqda xəbərdarlıq alan kimi Kipri tərk edib.

Teddi Saqi 1971-ci ildə Təl-Əvivdə anadan olub, İsrail əsilli kiprli biznesmendir, qismən Londonda mənzillənib. Saqi “Playtech” qumar oyunları üçün proqram təminatını işləyib hazırlayan şirkətin və Londondakı iri “Camden Market”in sahibidir. Habelə daşınmaz əmlak sferasında, elektron ödənişlər və rəqəmsal reklam biznesində də fəaliyyət göstərir. Şəxsi kapitalı 5.6 milyard dollar qiymətləndirilir. Saqi İsrailin 4 ən zəngin adamından biridir.

Rusiya pasportu daşıyan 38 yaşlı azərbaycanlı killer sentyabrın 27-də Kiprin yunan və türk hissəsi arasındakı Aqios Dometios nəzarət-buraxılış məntəqəsini keçərkən saxlanılmışdı. Məlum olmuşdu ki, o əlbir olduğu daha bir neçə şəxslə birlikdə saxlanılmazdan iki həftə əvvəl Rusiyadan Kiprin Larnaka aeroportuna uçub. Oradan adanın türk hissəsinə keçib, daha sonra geri qayıdıb. Bir neçə dəfə o tərəf-bu tərəfə keçdikdən sonra Kipr xüsusi xidmət orqanlarının diqqətini cəlb edib. Onu izləməyə başlayıblar və növbəti dəfə adanın yunan hissəsinə keçəndə saxlayıblar. Killerin üzərindən səsboğuculu tapança və üç mobil telefon tapılıb. Kipr mənbələri onun bu ölkədə yaşayan 3 israilli biznesmeni öldürmək üçün göndərildiyini, İran xüsusi xidmət orqanları tərəfindən ələ alınmış ola biləcəyini iddia ediblər.

Lakin indi İsrail mənbələri bildirir ki, killeri göndərən İran xüsusi xidmət orqanları yox, milyarder Teddi Saqinin Rusiyada yaşayan şəriki olub. Belə ki, Saqi rusiyalı tərəfdaşına iri məbləğdə borcludur və qaytarmaq istəmədiyi bu borca görə ortağı onun qətlini sifariş verib.

Teddi Saqi ona qarşı sui-qəsd hazırlandığı haqda Kipr hakimiyyətindən məlumat alan kimi son anda ölkəni tərk edib.

Bildirilir ki, muzdlu qatil kirayə götürdüyü avtomobili Saqinin ofisinin yaxınlığında park edərkən həbs olunub. Killer milyarderi təqib etmək üçün elektrosamokatdan istifadə edib, dəfələrlə Kiprin yunan və türk hissəsi arasında gedib-gəlib.

Lakin Teddi Saqinin başçılıq etdiyi “Sagi Group” şirkəti killerin hədəfində milyarderin olduğu haqda İsrail KİV-lərinin yaydığı məlumatı təkzib edir. Və bildirir ki, söhbət “İranın planlaşdırdığı terrordan” gedir. “Bu planın qarşısını almaq mümkün olub. Hədəf Teddi Saqi yox, Kiprdə yaşayan israillilər olub. Çox təəssüf ki, korrekt olmayan informasiya bu cür asanlıqla yayılır və şəxsin imicinə zərbə vurur”,-açıqlamada deyilir.

Lakin “Walla News” portalı israr edir ki, bu sui-qəsd planının arxasında Saqinin işgüzar tərəfdaşları dayanır. Hüquq-mühafizə orqanlarındakı mənbələrin bildirdiyinə görə, Saqinin tərəfdaşları ilə bir neçə şirkətə görə münaqişəsi yaranıb və onlar biznesmenin məsələsini həll etməyi kriminal elementlərə həvalə ediblər.

Xəbərin oxunma sayı : 898