AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Riyad Əliyevin əmlaklarını kim ələ keçirib? - Araşrma başadı


Tarix 11.08.22, 10:00	Font ölçüsü : - / +

Yasamal Rayon Məhkəməsində hakim Günel Əkbərlinin sədrliyi ilə akademik Aqil Əlirza oğlu Əliyevin nəvəsi Riyad Əliyevin iddiası üzrə növbəti proses keçirilib.

AzFakt.com xəbər verir ki, o, babası Aqil Əliyevdən atası İlqar Əliyevə miras qalmış əmlakların başqa şəxslər tərəfindən ələ keçirildiyini iddia edir. Tərəflər arasındakı mülki çəkişmə bir neçə məhkəmə instansiyasında davam edir.

Son olaraq Yasamal Rayon Məhkəməsinə müraciət edən Riyad Əliyev bildirib ki, atası İlqar Əliyevin ətrafında olan bəzi şəxslər həmin əmlaklar vasitəsilə varlanıblar və həmin əmlakları tam olaraq ələ keçirmək istəyirlər.

Riyad Əliyev ona və atasının keçmiş şəriki olmuş İlham Məmmədova İlqar Əliyev tərəfindən verilmiş etibarnamələrin ləğv edilməsinin etibarsız hesab olunmasını məhkəmədən xahiş edib. Həmçinin İlqar Əliyevin digər şəxslərə verdiyi etibarnamələr və onlar üzrə aparılmış bütün hərəkətlərin etibarsız hesab olunması barədə qətnamə qəbul edilməsini istəyib.

Ötən prosesdə iddiaçı Riyad Əliyevin vəkili və nümayəndəsi Gülşən Salmanova prosesin qapalı keçirilməsini, jurnalistlərin iştirakı olmadan davam etdirilməsini istəmişdi. Hakim Günel Əkbərli vəkilin vəsatətini yazılı şəkildə təqdim etməsi üçün prosesdə bir neçə günlük fasilə elan etmişdi.

Avqustun 10-na təyin olunmuş prosesdə vəkil 1 vərəqdən ibarət olan vəsatətini məhkəməyə təqdim etdi. Gülşən Salmanova vəsatətində ümumi sözlərlə işdə kommersiya sirlərinin, məhkəmə iclasında səsləndiriləcək ailə və şəxsi həyatla bağlı məsələlərin nəzərə alınaraq prosesin qapalı keçirilməsini xahiş edib.

Cavabdeh tərəfin vəkilləri bildiriblər ki, vəsatət əsaslandırılmayıb, işdə kommersiya sirlərindən söhbət getmir. Belə sirrlərin olacağı təqdirdə iddiaya Kommersiya Məhkəməsində baxılmalıdır. Ailə sirlərinə gəldikdə isə yenə də həmin sirrlər olacağı halda, məhkəmə prosesinin həmin hissəsində prosesin qapalı keçirilə bilməsini məhkəmənin diqqətinə çatdırıblar. Vəkillər əlavə edib ki, iddia etibarnamələrin ləğv edilməsinə etiraz olduğu üçün burada ailə sirrindən və şəxsi məlumatlardan söhbət gedə bilməz. Hakimin diqqətinə çatdırıblar ki, məhkəmə iclasında media nümayəndələrinin iştirakına etiraz etmirlər.

Hakim vəsatətə münasibət bildirmək üçün müşavirə otağına gedib. Bir neçə dəqiqə sonra geri dönən hakim vəsatətin təmin edildiyini elan edib. Prosesin qapalı keçirilməsini əsaslandırmaqdan yayınıb.

Cavabdeh tərəfin vəkilləri prosesin qapalı keçirilməsi üçün əsasların olmadığını hakim diqqətinə çatdırmaqla etirazlarını bildiriblər. Bundan sonra proses iddiaçı və cavabdeh tərəfin vəkillərinin iştirakı ilə davam etdirilib.

Proses 29 avqust 16:30-da davam etdiriləcək.

Qeyd edək ki, Prezidentin əmisi oğlu İlqar Əliyevin İlham Məmmədov və Şahbaz Şahbazov adlı iki şəriki olub. Mətbuatda Şahbaz Şahbazovun müraciətləri yer alır ki, İlham Məmmədov ona qarşı qanunsuz hərəkətlər edərək paylarını əlindən alıb. Şahbaz Şahbazov özünə qarşı qanunsuz ittihamların irəli sürüldüyünü deyərək, məcburiyyət qarşısında ölkəni tərk etdiyini söyləyir.

İlham Məmmədov isə Şahbaz Şahbazovu ittiham edərək onun İlqar Əliyevin etibarından istifadə edərək əmlakları ələ keçirdiyini bildirir. Son olaraq isə “Nigar Klinikası”nda baş verən qalmaqalla bu məsələ gündəmə gəlmişdi. İndi isə ortada olan iddialardan məlum olur ki, İlham Məmmədov həm Şahbaz Şahbazova, həm də İlqar Əliyevə qarşıdır. Riyad Əliyev isə İlham Məmmədovla eyni tərəfdən çıxış edərək İlqar Əliyevin xanımı Solmaz Əliyeva və digərlərinə qarşı iddialar qaldırıb. Şahbaz Şahbazov barəsində cinayət işi başlanıb. İlham Məmmədov isə ötən ilin sonlarında bilə-bilə yalan məlumat vermə, xəbərçilik ittihamı ilə həbs edilmişdi. Daha sonra azadlığa buraxılıb.

Qeyd edək ki, Riyad Əliyev tez-tez qalmaqallı hadisələrlə gündəmə gəlib. O, daha əvvəl yol polisləri ilə dava etdiyinə görə inzibati qaydada həbs edilib.

Bundan başqa onlara məxsus “Riad” mühafizə şirkətinin adı da müxtəlif qalmaqallara qarışdığı üçün lisenziyası ləğv edilib. (musavat.com)

Xəbərin oxunma sayı : 805