AzFakt

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

Xaricdə “yağ-bal“ içində “üzəcəkdilər“ — Azərbaycanlı mühacirlər çətin duruma düşüblər


Tarix 22.08.19, 18:03	Font ölçüsü : - / +

Azərbaycandan xaricə gedən insanların daxili və xarici qüvvələr tərəfindən siyasi şou məqsədli planlara alət edildiyi barədə fikirlər səslənir.

"Konstitusiya" Araşdırmalar Fondunun rəhbəri, hüquqşünas Əliməmməd Nuriyev Oxu.Az-a açıqlamasında deyib ki, Azərbaycandan gedən insanları fərqləndirmək lazımdır.

O bildirib ki, Azərbaycan dünyaya çıxışı olan, azad bir ölkədir:

"Azərbaycandan gedən insanların hərəsinin fərqli məqsədləri var. Kimisi təhsil almağa gedir, kimisi də işləməyə. Bəziləri də guya "siyasi" motivlərlə gedir. Belələri getdikləri ölkənin vətəndaşlığını almaq üçün özlərini "müxalifət" kimi göstərməyə çalışırlar".

Hüquqşünas qeyd edib ki, Azərbaycanın hüquq-mühafizə orqanları saxta sənədlərlə xaricə adam göndərən şəbəkəni ifşa edib:

"Həmin insanların məxsus olduğu siyasi partiyalar isə prosesi sakit qarşılayırlar. Görünür, onların da hansısa formada bu proseslərdə iştirakı var. Bəziləri isə heç bir siyasi partiyaya mənsub deyil, xaricə şəxsi məqsədləri üçün gedir. Xaricə gedib orada siyasi fəaliyyət göstərənlərin bəziləri anti-Azərbaycan dairələrin təsirinə düşürlər".

Ə.Nuriyev vurğulayıb ki, bir qrup şəxs Azərbaycana qarşı olan qrupların təsirinə düşdükdən sonra yaramaz fəaliyyətə başlayırlar:

"Hətta iş o yerə gəlib çatıb ki, onlar bir-birilərinə qarşı çox amansız şəkildə söyüş taktikasından istifadə edirlər. Artıq Azərbaycan cəmiyyəti onların iç üzünü görüb. Əlbəttə ki, onların bir qismi erməni siyasi dairələrinin təsiri altında fəaliyyət göstərirlər. Mən xaricdə görmüşəm ki, bəzi azərbaycanlılar erməniləri görəndə onlarla xoş ünsiyyətdə olurlar, onlara məhəbbət bəsləyirlər".

Ekspertin fikrincə, xaricdə digər ölkələrdən olan mühacirlər heç vaxt öz dövlətlərinə qarşı nifrət bəsləmirlər:

"Mən Azərbaycanın xaricdəki bəzi mühacirləri qədər rəzil duruma düşən görməmişəm. Azərbaycan xalqı ölkənin inkişafına töhfə verməklə belələrinə cavab verir. Görürsünüz ki, həmin mühacirləri artıq dinləyən də yoxdur".

Related image

Qeyd edək ki, Azərbaycandan xaricə gedənlərin geri qaytarılması prosesi də sürətlənib. Bu isə həmin ölkələrdə miqrasiya qanunvericiliyinin daha da sərtləşdirilməsi ilə bağlıdır.

2019-cu ilin əvvəlindən Azərbaycana 239 şəxs readmissiya olunub. Son beş ildə isə - 2014-cü ilin sentyabrından indiyədək ölkəyə 1211 şəxs readmissiya edilib.

Bu barədə Dövlət Miqrasiya Xidmətinin rəisi Vüsal Hüseynov iyulun 18-də ilin birinci yarısının yekunlarına həsr olunan mətbuat konfransında məlumat verib.

Readmissiya, əsasən, Avropa ölkələrindən olub. Həmin şəxslər xarici ölkələrdə yaşamaq üçün müraciət etsələr də, nəticə əldə edə bilməyiblər.

Saxta sənədlərə misal olaraq, bu ilin əvvəlindən martın 31-dək Niderland Krallığından doqquz azərbaycanlı deportasiya olunub.

Niderland Miqrantlar və Vətəndaşlıq Departamentinin məlumatına görə, həmin şəxslər son bir ildə müxtəlif vaxtlarda Niderlandda yaşamaq icazəsi üçün müraciət ediblər. Deportasiyaya səbəb kimi də onların müraciəti zamanı məhz qeyri-dəqiq məlumatlardan istifadə etməsi, miqrasiya orqanlarını aldatması göstərilib.

Xaricə gedib, orada "yağ-bal" içində yaşayacağını düşünənlər az deyil. Amma müşahidələr göstərir ki, Almaniya düşərgələrində (kampuslar) Azərbaycandan olan qaçqınlar arasında intihara cəhd halları artıb. Bu isə iqtisadi-sosial amillərlə bağlıdır.

Almaniya Federativ Respublikasının Miqrasiya və Qaçqınlar üzrə Federal İdarəsininin məlumatına görə, 2019-cü ilin ilk altı ayı ərzində 999 nəfər Azərbaycan vətəndaşı qaçqın statusu almaq üçün müraciət edib.

Xəbərin oxunma sayı : 160