AzFakt

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

“Rusiya dünya nizamına meydan oxuyur“ - Aİ


Tarix 12.01.22, 15:11	Font ölçüsü : - / +

“Rusiya Avropa İttifaqını (Aİ) əhəmiyyətsiz göstərmək və ABŞ-la Avropa arasında strateji parçalanmaya təkan vermək istəyir”.

APA-nın xəbərinə görə, bu barədə Aİ-nin Xarici siyasət və Təhlükəsizlik məsələləri üzrə Ali Nümayəndəsi Cozep Borrell məqaləsində bildirib.

Aİ-nin Ali Nümayəndəsinin sözlərinə görə, Rusiya hakimiyyətinin ambisiyası "soyuq müharibə"dən sonra formalaşan siyasi və təhlükəsizlik nizamına meydan oxumaq, 1997-ci ildəki NATO-Rusiya təsis aktına qayıtmaqdır.

C. Borrell Rusiyanın əvvəllər qəbul etdiyi və indi sual altına qoyduğu üç prinsipi qeyd edib: “Birincisi, hər bir dövlətin “Paris Xartiyası” ilə tanınan beynəlxalq təşkilata mənsub olmaq və ya olmamaqla bağlı sərbəst seçim və müqavilə və ya ittifaqların iştirakçısı olmaq hüququ var. Bu əsas prinsipə meydan oxumaqla Moskva revizionist güc kimi çıxış edir. Rusiyanın nəzərində bu qadağa təkcə keçmiş Sovet İttifaqı ölkələrinə deyil, həm də İsveç və Finlandiya kimi Aİ üzvü olan ölkələrə şamil olunacaq. İkinci və üçüncü prinsip güc tətbiq etməmək və bütün dövlətlərin ərazi bütövlüyünə hörmət etməkdir. Rusiya artıq Gürcüstanda etdiyi kimi, Ukraynada da bu üç fundamental prinsipi pozur”.

O vurğulayıb ki, Rusiya təkcə iddialarla kifayətlənmir, həm də bunu Ukrayna sərhədində artan hərbi təzyiqlə müşayiət edir və tələbləri tam yerinə yetirilməsə, Kiyevi yeni müdaxilə ilə hədələyir: “Rusiya Avropa İttifaqını əhəmiyyətsiz göstərmək və ABŞ-la Avropa arasında strateji parçalanmaya təkan vermək istəyir. Ukrayna və Belarus üzərində həlledici təsirə malik olduğunu qəbul etməyimizi istəyir, hələ Mərkəzi Asiyanı qeyd etmirəm. Mərkəzi Asiyanın Rusiya təhlükəsizliyinin perimetrinə daxil olması faktı təsdiqləyir ki, NATO məsələsi bəhanədir, çünki heç bir Mərkəzi Asiya dövləti NATO üzvlüyünə namizəd deyil. Qısası, Avropada sovet geosiyasi buzlağını bərpa etmək və ABŞ-la Avropa arasında əlaqəni kəsməyə çalışmaq Moskvanın strateji hədəfləri ola bilər”.

Ali Nümayəndə bütün bunların qəbuledilməz olduğunu diqqətə çatdırıb. O, dialoqun önəmli olduğunu da əlavə edib və bildirib ki, müzakirədən qaçmaq heç də səmərəli deyil.

Cenevrədə ABŞ və Rusiya arasında danışıqları və bu gün Brüsseldə keçirilən NATO-Rusiya danışıqlarına diqqət çəkən Borrell tərəflərin mövqelərinin bir-birindən çox uzaq olduğunu, lakin Aİ-nin öz rolunu tam şəkildə oynamağa davam edəcəyini qeyd edib. O, danışıqların və məsləhətləşmələrin davamının mümkünlüyünü istisna etməyib.

Xəbərin oxunma sayı : 808