AzFakt.com xəbər verir ki, 7-ci dəqiqədə “Narıncılar”ın heyətində Xavi Simmons fərqlənib.

18-ci dəqiqədə isə onların qapısına təyin olunan 11 metrlik cərimə zərbəsini Harri Keyn dəqiq yerinə yetirib və bərabərliyi bərpa edib.

Oyunun ikinci hissəsinə əlavə edilən ilk dəqiqədə ingilislərin heyətində Olli Uotkins topu qapıdan keçirib və yekun hesabı müəyyənləşdirib.

Bununla da, İngiltərə ikinci dəfə Avropa Çempionatının finalına çıxıb. Onlar iyulun 14-də Berlində İspaniya yığması ilə qarşılaşacaqlar.

Kolumbiya ABŞ-də keçirilən futbol üzrə Amerika Kuboku (Copa America) turnirində finala yüksəlib.

Argentinalı Nestor Lorenzonun rəhbərlik etdiyi komanda Uruqvay yığmasını minimal hesabla məğlub edib.

Yeganə qolu 39-cu dəqiqədə “Kristal Pelas”ın yarımmüdafiəçisi Hefferson Lerman vurub.

Birinci hissəyə əlavə edilən ilk dəqiqədə Kolumbiya millisinin və “Kristal Pelas”ın müdafiəçisi Daniel Munyos ikinci sarı vərəqə alaraq meydandan kənarlaşdırılsa da, Uruqvay yığması say üstünlüyünü qola çevirə bilməyib.

İyulun 15-də keçiriləcək finalda Kolumbiyanın rəqibi kanadalıları 2:0 hesabı ilə məğlub edən dünya çempionu Argentina yığması olacaq.