Azərbaycan millisi bu gün AÇ-2024-ün seçmə mərhələsi çərçivəsində növbəti oyununa çıxıb.

AzFakt.com xəbər verir ki, Canni De Byazinin başçılıq etdiyi yığma Bakıda İsveç yığmasını qəbul edib. 

Tofiq Bəhramov adına Respublika stadionunda keçirilən görüşü İsveçrədən olan qadın hakimlər idarə ediblər.

Xatırladaq ki, yığmamız bu rəqibinə qarşı səfərdə keçirdiyi oyunda 0:5 hesabıyla məğlub olmuşdu. Azərbaycan yığması F qrupunda  5 komanda arasında 4 xalla 4-cü sırada qərarlaşmışdı. İsveç isə 7 xalla 3-cü idi. Amma bu görüşdə Azərbaycan yığması möhtəşəm qələbə qazanmaqla İsveçlə xallarını bərabərləşdirib.

Bu gün yığmamızın qrupunda həmçinin, Estoniya – Avstriya oyunu da baş tutacaq.

AÇ-2024

Seçmə mərhələ

16 noyabr

Qollar: Emin Mahmudov, 3; 89. Renat Dadaşov, 6.

Qırmızı vərəqə: Bəhlul Mustafazadə, 57.

Baş hakim: Ester Ştaubli (İsveçrə)

Bakı. Tofiq Bəhramov adına Respublika stadionu.

Azərbaycan: 1. Şahruddin Məhəmmədəliyev, 2. Rahil Məmmədov, 3. Elvin Cəfərquliyev, 4. Bəhlul Mustafazadə, 5. Anton Krivotsyuk, 7. Coşqun Diniyev, 8. Emin Mahmudov (k), 9. Renat Dadaşov, 11. Ramil Şeydayev, 17. Toral Bayramov, 20. Aleksey İsayev.

Baş məşqçi: Canni De Byazi.

İsveç: 1. Robin Olsen, 3. Viktor Lindelöf (k), 4. Filip Helander, 9. Yens Kayuste, 10. Emil Forsberq, 13. Ken Sema, 14. Linus Valkfist, 17. Viktor Qyökeres, 18. Samuel Qustafson, 19. Mattias Svanberq, 21. Deyan Kuluşevski.

Baş məşqçi: Yanne Andersson.