AzFakt

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

Mərkəzi Bank uçot dərəcəsini niyə artırır? – İqtisadçı ekspert


Tarix 29.01.22, 10:39	Font ölçüsü : - / +

"Mərkəzi Bankın uçot dərəcəsi formal bir şeydir, heç nəyə də ciddi təsir etmir, buna görə də ciddi müzakirə mövzusu ola bilməz".

AzFakt.com xəbər verir ki, bunu iqtisadçı ekspert Əkrəm Həsənov deyib.

Onun sözlərinə görə, uçot dərəcəsi Mərkəzi Bankın kredit təşkilatlarına verdiyi kreditin faiz dərəcəsidir:

"Yəni Mərkəzi Bankın kreditinin qiymətidir. İqtisadi nəzəriyyəyə görə, inflyasiyaya qarşı mübarizə aparanda mərkəzi banklar bu dərəcəni artırır ki, iqtisadi aktivlik və dövriyyədəki pul həcmi azalsın. Yəni Mərkəzi Bank banklara bahalı kredit verir, onlar da öz növbəsində əhali və sahibkarlara verdikləri kreditləri bahalaşdırır".

Ekspert bildirib ki, hazırda bizdə kəskin inflyasiya müşahidə olunur:

"Məntiqlə Mərkəzi Bank düz edir. Amma problem ondadır ki, uçot dərəcəsi yalnız o zaman işlək olur ki, Mərkəzi Bank bütün kredit təşkilatlarına bərabərhüquqlu şəraitdə kredit verir. Lakin bizim inhisarçı və qeyri-şəffaf bank sistemində bu, belə deyil. Mərkəzi Bank yalnız özünə bəlli olan meyarlar əsasında bir neçə banka kredit verir. Buna görə də onun uçot dərəcəsinin ciddi təsiri olmur. Bu, ona bənzəyir ki, mən bazarda kartof satıram və elan edirəm ki, kilosunu 1 qəpiyə satıram. Amma kənardan gələn alıcılara satmıram. Yalnız öz yaxınlarıma satıram. İndi bu, o deməkdirmi ki, mənim qiymətim 1 qəpikdir? Eyni ilə Mərkəzi Bankın da kreditinin qiyməti reallıqda uçot dərəcəsi deyil. Adi bir misal. 2009-2010-cu illərdə uçot dərəcəsi 2-3% idi. Məntiqlə bankların da kreditləri ucuz olmalı idi. Amma o zaman bankların kredit dərəcələri hətta indikindən də yüksək idi".

Bəs Mərkəzi Bank hazırda uçot dərəcəsini niyə artırır?

Əkrəm Həsənovun fikirincə, qanuna görə, bu, inflyasiya ilə mübarizə aparmalıdır:

"Reallıqda apara bilmir. Amma gözdən pərdə asmaq üçün nəsə etməlidir axı. Buna görə də bir-iki aydan bir dərəcəni 0,25% artırır ki, mən də varam və işləyirəm. Vəssalam".

Xəbərin oxunma sayı : 928