AzFakt

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Pirallahıda DOST işçiləri MİS-ə transfer olunur - Maraqlı təfərrüat…

Türkiyə -““Böyük İsrail” savaşı - Azərbaycan nə etməlidir?

SOCAR rəsmisinin gizli eşq macərası Rumıniya mediasında - Ramil Əsədulzadənin şok görüntüləri

Qaradağ rayonunda qanunsuz daş karxanaları - Başçının müavini himayə edir?

Bir qrup adam ölkəyə gizli yolla mal gətirir - Şəbəkənin başında kimlər dayanır?

Büdcəyə quyu qazanlar - Füzuli rayon Mərkəzi Xəstəxanası “Otkat“ əməliyyatı...

Liderlər Ağ Evdə tarixi sazişi imzaladı - Birgə Bəyannamənin TAM MƏTNİ

Britaniyada Mahmudovlarla bağlı qalmaqal - Vəkillərinə rekord cərimə kəsildi...

Fransa kəşfiyyatının Bakıdakı məxfi işləri ifşa oldu - Əyləncəli tədbirlər təşkil edib...

“Bizim ərazimizdə icarədar ola bilməz” - Prezident nidanı qoydu!

“Heç vaxt işğalla barışmayın!“ - İlham Əliyev ukraynalılara məsləhət verdi

Azərbaycan KKTC-ni rəsmən tanıya bilər – “Avropa Bakıya təzyiq göstərməyə çalışır“


Tarix 13.10.23, 19:45	Font ölçüsü : - / +

“Kuzey Kıbrıs Türk Cumhuriyyətinin (KKTC) lideri Ersin Tatar Bakıda jurnalistlərin suallarına cavab verərkən “bilirik ki, Avropa Birliyi və bəzi ölkələr bizə görə Azərbaycana təzyiq göstərməyə çalışırlar” dedi. O, “qəti şəkildə Kuzey Kıbrıs Türk Cumhuriyyətini tanımayın” deyə narahatlıq yaradırlar” cümləsini işlətməsi ilə diqqət çəkdi”.

AzFakt.com xəbər verir ki, bunu politoloq Elxan Şahinoğlu “Facebook” hesabında yazıb.

Təhlilçinin sözlərinə görə, KKTC Cumhurbaşqanının sözlərindən aydın oldu ki, söhbət yalnız Yunanıstan və Kipr Yunan Respublikasından getmir, Avropanın digər dövlətləri də rəsmi Bakını xəbərdar etməyə çalışırlar:“Azərbaycan Avropa İttifaqının üzvü deyil, Brüssel və ya Paris bizim KKTC-ni rəsmən tanımaq qərarımıza qarışa bilməz. Digət tərəfdən, Azərbaycanın KKTC-ni tanımasına qədər başqa zəruri addımlar atılmalıdır. Ersin Tatar da jurnalistlərə verdiyi açıqlamada, “tanınma məsələsi bir qədər sonra da ola bilər” deməklə rəsmi Bakını tələsdirmədiyinə işarə verib.

Birincisi, Azərbaycanla KKTC arasında iqtisadi və ticarət əlaqələrinin qurulmasına ehtiyac var. Ersin Tatar da ilk növbədə bu mövzuya diqqət ayırmağı lazım bilib.

İkincisi, Bakı ilə Lefkoşe arasında birbaşa təyyarə reysinin açılması zəruridir. Azərbaycan vətəndaşları KKTC-yə getmək istəyərkən bunu İstanbul üzərindən reallaşdırmaq məcburiyyətindədir. Birbaşa təyyarə reysləri əlaqələrin inkişafında müstəsna rol oynaya bilər. KKTC öz ali təhsil müəssisələri ilə məşhurdur. Birbaşa təyyarə reysləri KKTC universitetlərində təhsil alan azərbaycanlı gənclərin işini də asanlaşdırar. KKTC həm də turistik məkandır. Birbaşa təyyarə reysləri iki dövlət arasında turizmə də təkan verər.

Üçüncüsü, Azərbaycanın KKTC-də ilkin mərhələdə nümayəndəliyinin açılmasına ehtiyac var. KKTC-nin Azərbaycandakı nümayəndəliyi illərdir fəaliyyət göstərir, eynisinin də paytaxt Lefkoşedə fəaliyyəti mümkündür”.

E.Şahinoğlu xatırladır ki, Azərbaycan prezidenti İlham Əliyev sentyabrın 7-də Türk Dövlətləri Təşkilatının üzv və müşahidəçi dövlətlərinin təbii fəlakət və fövqəladə halların idarə edilməsi üzrə nazirlərinin ikinci görüşündə Kuzey Kıbrıs Türk Cumhuriyyətinin nümayəndəsinin iştirakını, öz bayrağı ilə təmsil olunmasını xüsusi vurğuladı.

Ekspert bildirir ki, “Kuzey Kıbrısın bayrağı da bizim tədbirdə dalğalanmalıdır və dalğalanacaq” deyən dövlət başçısı bununla iki dövlət arasında əlaqələrin daha üst səviyyəyə qalxacağına işarə etmiş oldu:“Bu açıqlamadan sonra KKTC Cumhurbaşqanının Bakıya gəlişi bu siyasətin tərkib hissəsidir».

Xəbərin oxunma sayı : 655