AzFakt

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Mİ6 Rusiya təhlükəsi ilə bağlı məlumat verdi - Britaniyadan şok xəbərdarlıq


Tarix 26.08.26, 22:54	Font ölçüsü : - / +

Britaniya kəşfiyyatı ölkə rəhbərliyinə Moskvanın birbaşa hərbi əməliyyat ehtimalı barədə xəbərdarlıq edib, Macarıstan isə rəsmi olaraq Rusiyanı təhdid kimi tanıyıb.

Son saatlarda aparıcı qərb nəşrlərinin (The Telegraph, Financial Times, The Guardian, Der Spiegel) yayımladığı məlumatlar Avropada təhlükəsizlik böhranının yeni mərhələyə qədəm qoyduğunu göstərir.

Mİ6 Böyük Britaniyanın Baş naziri Endi Börnhama ölkənin Ukraynaya dəstəyi fonunda Rusiyanın birbaşa hərbi əməliyyat həyata keçirə biləcəyi barədə xəbərdarlıq edib. Bu təhdid fonunda London fövqəladə hallar planlarını sürətləndirib və müdafiə tədbirlərini maksimum səviyyəyə qaldırıb:

Britaniyalılara elektrik və ya təchizat kəsintiləri riskinə qarşı evdə minimum 3 günlük içməli su, uzunmüddətli qida və vacib tələbat malları saxlamaq tövsiyə olunub.

Britaniya sularında Rusiya gəmi və sualtı qayıqlarının fəaliyyətinə, həmçinin fiber-optik kabellər və enerji xətlərinə yönələn "boz zona" (kiberhücumlar, sabotaj) təhlükələrinə qarşı nəzarət gücləndirilib.

Hökumətin böhran və müharinə şəraitində fəaliyyətini tənzimləyən məxfi mülki və hərbi uzlaşma planları yenilənir. Daxili Müdafiə Proqramı çərçivəsində bəzi strateji hədəflərin icra müddəti 2035-ci ildən 2030-cu ilə geri çəkilib.

Digər tərəfdən, Rusiya təhlükəsizlik strukturları da sərhədboyu zonalarda fəallığı artırıb. FSB və Rusiya Milli Qvardiyası Leninqrad vilayətinə ola biləcək hücumları dəf etmək üçün genişmiqyaslı təlimlər keçirib.

Təhlükəsizlik qüvvələri sərhəddən sızan təxribat qruplarının axtarışı, zərərsizləşdirilməsi və qaçış yollarının bağlanması istiqamətində əməliyyatlar məşq ediblər.

Kadrlarda təhlükəsizlik qüvvələrinin avtobusa basqın etməsi və minaatanlardan atəş açması əks olunub. Qeyd olunub ki, təlimlərdə MDB ölkələrindən olan təhlükəsizlik qüvvələri də iştirak edib.

"Der Spiegel" nəşrinin Macarıstan hökumətinin daxili sənədlərinə istinadən yaydığı məlumata görə, Budapeşt Rusiyanı açıq şəkildə "təhdid" kimi təsnif edib.

Yeni xarici siyasət kursu Baş nazir Peter Magyar tərəfindən imzalanan və sentyabr ayında BMT Baş Assambleyasının sessiyasında iştirak edəcək Macarıstan nümayəndə heyətinə verilən direktivlərdə əksini tapıb.

Sənədlərdə vurğulanır ki, "Rusiyanın hərəkətləri Macarıstan, Avropa və dünya nizamı üçün təhlükə yaradır". Eyni zamanda, Budapeştin Ukrayna üçün "davamlı sülh və uzunmüddətli təhlükəsizlik zəmanətləri" ilə nəticələnə biləcək səyləri dəstəklədiyi bildirilir.

Xəbərin oxunma sayı : 970