Yeniavaz.com xəbər verir ki, o, bu barədə Texas ştatının Hyuston şəhərindən Vaşinqtona qayıdarkən jurnalistlərlə söhbətində deyib.

“Mənə Donald Trampla debat barədə sual verirlər. Deyə bilərəm ki, onunla debata hazıram. Debatın əvvəllər razılaşdırıldığı kimi, sentyabrın 10-da keçirilməsinə razılıq verdim. O da buna razılıq verdi”, - Harris bildirib.

Harrisin sözlərinə görə, Tramp debat üçün yerin dəyişdirilməsini tələb etməklə əslində geri addım atır. Belə ki, əvvəllər respublikaçı növbəti debatı ABC telekanalında deyil, “Fox News” telekanalında keçirmək istədiyini bildirib. Tramp bunu “ABC” telekanalının qərəzliliyi ilə əlaqələndirib.

ABC debatı sentyabrın 10-na planlaşdırıb.

Qeyd edək ki, ABŞ-də prezident seçkiləri noyabrın 5-də keçiriləcək. Baydenin Demokrat Partiyasını təmsil edəcəyi gözlənilirdi, lakin iyunun 27-də Trampla debatdakı uğursuz çıxışından sonra demokratlar arasında onun mübarizədən əl çəkməsinə çağırışlar güclənib. İyulun 21-də Bayden yarışdan çıxmaq qərarına gəlib və ABŞ-nin vitse-prezidenti Kamala Harrisin ən yüksək hökumət postuna namizədliyini dəstəkləyib.