Bu barədə "Bild" qəzetinə adı açıqlanmayan ukraynalı məmur bildirib. 

O qeyd edib ki, nüvə silahı yaratmaq üçün Ukraynanın həm materialı, həm də biliyi var.

"Əmr verilsə, ilk bombanı hazırlamaq üçün cəmi bir neçə həftə lazım olacaq", - deyə məmur vurğulayıb.

Onun sözlərinə görə, bu ssenari münaqişənin mümkün həlli və Ukraynanın Şimali Atlantika Alyansına qəbul edilməyəcəyi ehtimalı, eləcə də Rusiya Silahlı Qüvvələrinin gələcək addımları nəzərə alınmaqla hesablanıb.

Məmur həmçinin deyib ki, Qərb ölkələri Rusiya Federasiyasının qırmızı xətləri haqqında daha az, Ukraynanın qırmızı xətləri haqqında isə daha çox düşünməlidirlər.