AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

“Ehtiyat edirdim ki, Prezident məni tanımaz” - Qara Qarayev


Tarix 19.10.21, 16:53	Font ölçüsü : - / +

“Öncəliklə Prezident İlham Əliyevə səmimi görüşə görə təşəkkür edirəm. Bilirəm ki, məni tanıyırdı və xoş münasibəti üzərimdə daha çox məsuliyyət yaratdı. İşimə bir az daha ciddi yanaşmağıma təsir etdi”.

AzFakt.com xəbər verir ki, bu sözləri qafqazinfo.az-a açıqlamasında Azərbaycan millisinin və “Qarabağ”ın yarımmüdafiəçisi Qara Qarayev deyib.

Oktyabrın 17-də Füzulidə ölkə başçısı ilə görüşən futbolçu təəssüratlarını bölüşüb:

“Bir az ehtiyat edirdim ki, cənab Prezident məni tanımaya bilər. Çünki 2017-ci ildən sonra görüşümüz olmamışdı. Amma sağ olsun Prezident yadından çıxarmayıb və səmimiyyət göstərdi. Bizim dialoqumuz oldu. Hətta “Qarabağ”la da maraqlandı və işlərin necə getdiyini soruşdu. Dedi ki, mənim adımdan bütün klub üzvlərinə salamımı çatdır”.

Q.Qarayev məcburi köçkün kimi çıxdığı şəhərə belə qayıtmasının əvəzedilməz hiss olduğunu bildirib:

“Mən 27 il öncə oradan çıxarkən 1 yaşım var idi və maşının arxasında heç bir şeyimiz olmadan tərk etmişdik Füzulini. Amma indi ora Prezidentin seçdiyi bir şəxs kimi qayıtdım və bu əvəzolunmaz hissdir. Həm də Füzulinin işğal altından azad olunması günü idi. Heç kim düşünməzdi ki, belə əlamətdar gündə ölkə başçısı İlham Əliyevlə orada görüşəcəm, amma bu mənə qismət oldu”.

Millimizin üzvü Füzuli rayonunun gözəlliyindən söz açıb: “Mənim rayonumuzu görməyə yaşım çatmayıb. Ancaq Füzuli danışılandan, şəkildə görüləndən, videolarda göründüyündən daha gözəldir. Bütün Qarabağ gözəldir, amma doğulduğun yerin insana mənəvi yaxınlığı bir başqadır. Füzulinin dərələri, dağları, təpələri də çox gözəldir. Yeni layihələr var və tikinti işləri davam edir. Hava limanı, binalar, yeni iaşə obyektləri tikildikdən sonra rayonun gözəlliyinin üstünə yeni gözəlliklər əlavə olunacaq”.

Qarayev uşaq vaxtı çıxdığı evlərinə gedə bilmədiyini əlavə edib: “Həmin evə gedə bilmədim, çünki minalar hələ də qalır. Amma evimizin fotoları məndə var. Yalnız 5 daşdan ibarət bir divarı qalıb”.