AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

“Qarabağ”ın penaltisi niyə verilmədi? - Çempionluq yarışına ləkə salınır


Tarix 26.03.26, 12:41	Font ölçüsü : - / +

Son günlərdə Azərbaycan Premyer Liqasında hakimlərlə bağlı qalmaqallar böyüməyə başlayıb.

“Qafqazinfo” xəbər verir ki, bütün klublardan idarəçiliklə bağlı narazlıqlar bildirilir. Maraqlıdır ki, AFFA Hakimlər Komitəsi referilərin verdiyi yanlış qərarları müdafiə etməklə bir az da problemlərə yol açır.

Elə ölkə çempionatının son turunda baş verənlər də diqqətdən kənar qalmadı. Əsas müzakirə mövzusu isə Premyer Liqanın 25-ci turunda keçirilən “Kəpəz” - “Qarabağ” matçında baş verən penalti epizodu idi. Belə ki, həmin oyunun 73-cü dəqiqəsində gəncəlilərin üzvü Şakir Seyidov rəqib futbolçu Kamilo Durana qarşı kobud oynadı. Epizod VAR-da müzakirə olunsa da, penalti təyin olunmadı.

VAR hakimi Rauf Cabbarov heç referi Əli Əliyevi monitora da çağırmadı. Son qərar belə oldu ki, “Kəpəz”in futbolçusu əvvəlcə top oynayır, sonra rəqibin ayağına zərbə endirir.

“Qarabağ”ın baş məşqçisi Qurban Qurbanov da matçdan sonra epizoddan narazılıq etdi, həmin epizodun 11 metrlik cərimə zərbəsi olduğunu bildirdi. Sosial şəbəkələrdə də müzakirələr bu yöndə idi. Hər kəs epizodun penalti olduğuna birmənalı şəkildə dəstək verirdi.

Maraqlıdır ki, iki gün öncə Hakimlər Komitəsinin sədri Rəhim Həsənov isə VAR hakimi Rauf Cabbarov, referi Əli Əliyevin qərarının düzgün olduğunu açıqladı. Hətta komitə istisna olaraq həmin epizodla bağlı VAR və baş hakimin müzakirələri ilə bağlı səs yazılarını da yaydı.

Fotoda Rəhim Həsənov

Əvvəlcə, onu qeyd edək ki, Hakimlər Komitəsinin sədri Rəhim Həsənov birmənalı şəkildə yanlış da olsa, doğru da olsa, hakimlərin verdiyi qərarları təsdiq edir. Bu isə gülünc vəziyyət ortaya qoyur. Dünyanın ən güclü liqalarında hakimlərin yanlış qərarlar verməsi ilə bağlı dəfələrlə müzakirələr getsə də, bunu etiraf etsələr də, AFFA Hakimlər Komitəsinin sədri öz hakimlərinin hər epizodda düzgün qərar verdiyini deyir. Elə Qurban Qurbanov da, Rəşad Sadıqov da, Ayxan Abbasov da, eləcə digər məşqçilər bu durumdan narazılıqlarını dilə gətirir. Lakin ortada dəyişən bir şey yoxdur. “Kəpəz” – “Qarabağ” oyunundakı penalti epizoduna gəlincə, orada “penalti yoxdur” demək üçün əsaslı səbəblər olmalıdır.

Həmin epizodda gəncəlilərin oyunçusu Şakir Seyidov topa toxunsa da, onu görmək üçün epizodu mikroskopla analiz etmək lazımdır. Digər məqam isə bundan ibarətdir ki, Ş.Seyidov topa toxunsa belə, topun kontrolu yenə də Kamilo Duranda idi. “Kəpəz”in yarımmüdafiəçisi isə rəqibinin topa kontrolunu dayandırmaq üçün kobudluqdan istifadə edir. Özü də qeyri-ixtiyari şəkildə yalnız çox cüzi toxunuşla diqqət çəkir. Bu isə hakimlərin penaltini verməməsi üçün kifayət deyil.

Digər tərəfdən türkiyəli məşhur hakim Ahmet Çakar da Sports.az saytına açıqlamasında bu epizodu penalti kimi şərh edib. O bildirib ki, Ş.Seyidovun həmin topa toxunuşu penalti təyin etməməyə əsas sayılmamalıdır. Çünki Kamilo Duran topa nəzarəti həmin toxunuşla itirmir.

“Qarabağ” “Kəpəz”lə səfər oyununda uduzaraq çempionluq yolunda ağır zərbə aldı. Gəncə klubunun qələbəsinə kölgə salmaq doğru deyil. Amma istənilən halda “Qarabağ”ın qazandığı haqlı penaltinin verilməməsi də nəticəyə təsir edir. “Sabah”la “Qarabağ” arasında gedən gərgin çempionluq mübarizəsində bu cür qərarların verilməsi layiqli rəqabətə kölgə salır. İstənilən halda, başqa yöndə müzakirələrə gətirib çıxarır. İstər AFFA, istər PFL rəhbərliyi hakimlərlə bağlı məsələlərə diqqətli yanaşmalıdırlar. Bir neçə ildir ki, Azərbaycan çempionatında gözlənilən mübarizənin ədalətli şəkildə olmasına şərait yaradılmalıdır.

Artıq bir neçə turdur Azərbaycan çempionatı hakim qalmaqalları ilə gündəm olan Türkiyə liqasına bənzəyir. Maraqlıdır ki, istənilən halda hakimlər və onların yanlış qərarları müdafiə edilir.

Xəbərin oxunma sayı : 220