AzFakt

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Saleh Məmmədovun “topdağıtmaz qohumlar komandası” - Əvəz Qocayev son sipər rolundadır


Tarix 08.02.26, 18:16	Font ölçüsü : - / +

Ötən gün Azərbaycan Avtomobil Yolları Dövlət Agentliyinin (AAYDA) sədri Saleh Məmmədov vəzifədən uzaqlaşdırıldı. Uzun illər bu postda çalışan Saleh Məmmədovun fəaliyyəti dövründə Agentlik ətrafında geniş qohum-tanış şəbəkəsi formalaşdırdığı hər kəsə bəlli idi. Qohumlardan ibarət, böyük qazanc yeri olan AAYDA artıq onlar üçün cəhənnəm yuvasına dönüb. Uzun illər böyük çirkin əməllərin sahibi olan bu komanda üzvləri indi vəziyyətdən necə çıxacaqları yolu düşünürlər.

Bizimesr.az-a daxil olan məlumata görə, məhz bu şəbəkə illər ərzində AAYDA daxilində mühüm vəzifələri nəzarətdə saxlayıb. Saleh Məmmədovun vəzifədən uzaqlaşdırılması isə həmin şəxslər üçün ciddi narahatlıq yaradıb. İndi əsas sual budur - bu qohumlar kimlərdir və uzun illər ərzində hansı fəaliyyətlə məşğul olublar?

7 nömrəli Xüsusi Təyinatlı Yol İstismarı MMC – qalmaqallı rəhbər

Məlumata görə, “7 nömrəli Xüsusi Təyinatlı Yol İstismarı” MMC-nin rəhbəri Məhəmməd Musayevin əvvəl çalışdığı idarədə ciddi qanun pozuntularına və korrupsiya hallarına yol verdiyi iddia olunur. Bildirilir ki, bu səbəbdən o, vaxtilə Saleh Məmmədovun birbaşa qərarı ilə vəzifəsindən birdəfəlik azad edilib. Mənbənin iddiasına görə, Musayev Məhəmməd Saleh Məmmədovla uzaq qohumluq əlaqəsinə malikdir. Belə ki, o, Saleh Məmmədovun bacısının qızının ailəsi ilə qohumluq münasibətindədir. Musayev Məhəmməd işə bərpa olunmaq üçün müxtəlif vasitələrə əl atıb, bu proses isə ailədaxili ciddi gərginliyə səbəb olub.

İddialara görə, ailənin dağılmaması məqsədilə Saleh Məmmədov məcbur olaraq Musayev Məhəmməd sonradan “7 nömrəli Xüsusi Təyinatlı Yol İstismarı” MMC-yə direktor təyin edilib. Həmin təyinatdan sonra Saleh Məmmədov Məhəmməd Musayevlə birbaşa ünsiyyətdən imtina edib, onu qəbul etməyib. İdarə ilə bağlı məsələlərdə əlaqə əsasən müavin və ya köməkçi - Əvəz Qocayev vasitəsilə saxlanılıb.

Xidmət şöbəsinin rəisi ilə bağlı ağır ittihamlar

Araşdırmada adı hallanan digər şəxs - Xidmət şöbəsinin rəisi Nəhmətov Nazirlə bağlı da ciddi iddialar səsləndirilir. Mənbənin bildirdiyinə görə, onun əsas peşəsi sürücülük və avtomobil ustalığı olub. Ali təhsil diplomunun qanuniliyi şübhə altındadır, imtahanların pul qarşılığında “həll edildiyi” iddia olunur.

İddialara əsasən, peşəkar olmayan idarəçilik nəticəsində idarəyə məxsus keçidlərin təxminən 70 faizində eskalatorlar sıradan çıxıb və bu, dövlətə milyonlarla manatlıq ziyan vurub. Bildirilir ki, Nazir Nəhmətov qeyri-leqal fəaliyyətlərlə məşğul olub, iş vaxtını şəxsi maraqlara sərf edib.

Mənbə iddia edir ki, hər ay ayrı-ayrı işçilərin maaşlarına formal olaraq “mükafat” yazdırılıb, lakin həmin vəsaitlər sonradan işçilərdən geri alınaraq mənimsənilib. Eyni zamanda, həmin işçilərin işə gecikməsinə və iş yerini vaxtından tez tərk etməsinə illərdir göz yumulub. Xidmət otaqlarının isə faktiki olaraq şəxsi obyekt kimi istifadə edildiyi bildirilir.

Şəxsi imtiyazlar və qeyri-bərabər münasibət

Digər diqqətçəkən iddia isə budur ki, ali təhsil diplomu olmadığı deyilən Nazir Nəhmətova xidməti sürücü ayrıldığı halda, idarə rəisinin müavini Faiq Seyidovun avtobusla gedib-gəldiyi, ərazini piyada gəzdiyi bildirilir. Mənbə vurğulayır ki, Faiq Seyidovun xidməti sürücüsü də faktiki olaraq Nazir Nəhmətovun sərəncamındadır.

İşçilərin maaşlarından qanunsuz tutulmalar

Məlumatda qeyd olunur ki, bu şəxslər vəzifəyə gəldikdən sonra idarədə çalışan heç bir işçi dövlət tərəfindən müəyyən edilmiş maaşı tam və standart formada ala bilməyib. Yetim uşaq saxlayan xadimələrdən tutmuş müharibə veteranlarınadək bir çox işçinin maaşından hər ay kəsintilər edilib.

Mənbənin sözlərinə görə, hər hansı işçi şikayət edəcəyini bildirdikdə, Nazir Nəhmətov şəxsən müdaxilə edərək kəsilən məbləği həmin işçinin kartına geri yükləyib. Lakin narazılıq etməyən işçilərin kəsilən vəsaitləri mənimsənilib.

Daha ciddi iddialardan biri də budur ki, Nazir Nəhmətov idarədə çalışan işçilərin maaş kartlarının kodlarını bildiyi və kartların şəkillərinin onun telefonunda saxlanıldığı deyilir. Mənbə bu məlumatların hansı məqsədlə toplandığının hələ də aydın olmadığını bildirir. Daha ciddi faktlar barədə yaxın günlərdə ətraflı məlumat verəcəyik!

Xəbərin oxunma sayı : 769