AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

“Azərbaycana variantı qalmayan legionerlər gəlir” - “Qəbələ“ rəsmisi


Tarix 03.08.21, 10:52	Font ölçüsü : - / +

Son iki mövsümü autsayder mövqeyində, 7-8-ci pillələrdə başa vuran "Qəbələ” növbəti çempionat ərəfəsində "gözdən uzaq, könüldən iraq” qalıb. Hazırlıqlara təmsil etdiyi bölgədə başlayan, arada imkan tapıb Bakıya gələrək 2-3 sınaq matçı keçirib yenidən dönən "qırmızı-qaralar” diqqəti daha çox seleksiyaya yönəlib. Zarafat deyil, komandanın yarıdan çoxu gedib. Büdcəsi zəif olan klub üçün bu həcmdə itkini sığortalamaq çox çətindir. Bəs "Qəbələ” nə iş görür?

Fanat.Az klubun meneceri Zaur Əzizovla bu yöndə danışıb: "Mütləq yeni oyunçular alınmalıdır. Çünki hazırda 14-15 futbolçu ilə məşq edirik. Bu, mövsüm üçün kifayət etməz. Yoxlama görüşlərinin nəticəsi göstərdi ki, bu heyətlə də bir-iki oyunda başabaş mübarizə apara bilərik. Amma çempionat uzun marafondu. Bunun zədəsi var, cəzası var. Düzdür, akademiyamızdan 5 futbolçunun əsas komandada oynayacağı artıq dəqiqləşib. Onlar əsas komandanın hazırlığında iştirak ediblər. Baxmayaraq ki, indi milli komandanın düşərgəsindədirlər”.

Büdcəsinin zəif olmasına baxmayaraq, bölgə klubu bir neçə legioneri sıralarına qatmağı bacarıb. Düzdür, onlardan 2-si ötən mövsümkü heyətin üzvüdür. Hansı ki, yayda klubu tərk etmişdilər. Zaur Əzizov bizi transfer çalışmalarının gedişi barədə məlumatlandırdı: "Legioner axtarışları davam edir. Şimali makedoniyalı İsnik Alimi ilə müqavilə imzalamışıq. 27 yaşlı yarımmüdafiəçi ilə 1 illik anlaşmışıq. Qapıçı ilə bağlı çətinliyimiz var idi. "Çərçivə”yə də legioner götürdük - kamerunlu qapıçı Kristof Atanqana-Assimba ilə 2 illik müqavilə imzalanıb. Ötən mövsümkü heyətdən Stefan Vukçeviç komandaya qayıtdı. Bundan başqa, daha bir sabiq futbolçumuz Rafael Utriqin (Alemao) keçidini həll etdik. Onunla danışdıq, razılığa gəldik. Hazırda yoldadır, Bakıya gəlir. Daha bir neçə oyunçunun keçidi gündəmdədir. Hələlik yekun qərar yoxdur, amma məşqçilər heyəti maraqlandığımız futbolçuları nəzərdən keçirir”.

"Qəbələ”nin menecerindən klublarımızın transfer siyasətinə də münasibət öyrəndik. Əksər məşqçilər "Əcnəbilər Azərbaycana gəlmək istəmir” fikrini səsləndirir. Əzizov bunun bəhanə, yoxsa reallıq olduğunu belə əsaslandırdı: "Qəbələ”ni götürək: çempionatın iki həftə sonra start götürəcəyini nəzərə alsaq, bəli, transfer məsələsində gecikirik. Ancaq bu təkcə bizdən asılı olan iş deyil. Ümumiyyətlə, digər klublarımızda da analoji hal müşahidə olunur və bunun obyektiv səbəbi var. Məsələn, Xorvatiyadan bir futbolçu ilə maraqlanırdıq, icarəyə götürmək istəyirdik. Dedilər ki, hələ gözləmə mövqeyindəyik. Şərtimizi bildirmişdik ki, futbolçunun məvacibinin yarısını klubu ödəsin, yarısını biz. Maliyyəyə görə tərəddüd edirlər. Hər yay onlarla futbolçunu başqa ölkələrə ixrac edən Xorvatiya bu yay cəmi iki və ya üç oyunçu sata bilib. Problem hər yerdə var. Biz ötən mövsüm boyunca Fransanın 3-cü liqasından iki futbolçunu izləyirdik. Paralel olaraq, danışıq aparırdıq, aşağı-yuxarı qiymətlərini də müəyyənləşdirmişdik. Belədə adətən, iki halla qarşılaşırsan: futbolçu uğurlu mövsüm keçirirsə, Azərbaycan onun üçün axırıncı plana keçir, 3-cü, 4-cü variant olur. Uğursuz olursa, biz tərəddüd edirik. Söhbət azad agent kimi əldə etdiklərimizdən gedir. Müqaviləsi olan futbolçunu əldə etmək isə sırf maliyyəyə bağlı məsələdir. Bura variantı qalmayan və ya Azərbaycana tramplin kimi baxan legionerlər gəlir. Səviyyəli oyunçu almaq istəyirsənsə, yaxşı pul xərcləməlisən, büdcən böyük olmalıdır”.

Xəbərin oxunma sayı : 916