AzFakt

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Şəhid əsgərinin kədərini gözündə daşıyan GENERAL


Tarix 28.02.21, 22:08	Font ölçüsü : - / +

Ötən ilin noyabrına qədər “müzəffər general” deyiləndə adamın gözünün qabağına Jukov, Rokossovski, Konev, Çuykov kimi əfsanəvi sovet generalları, marşalları gəlirdi.

Gerçəkdən də bu şəxslər faşizmin məhv edilməsində, “dünya ağalığı” ideyası ilə gözü dönmüş hitlerçilərin darmadağın olunmasında əvəzsiz xidmətlər göstərib, bəşəriyyətə töhfə veriblər.

2020-ci ilin oktyabr-noyabr aylarında isə bizim “müzəffər general” anlayışımız xeyli dəyişdi. Öz qalib generallarımızı tanıdıq.

44 günlük müharibədən əvvəl onları ölkə əhalisinin böyük hissəsi tanımırdı, bəlkə öz əsgərləri və əsgər valideynləri onları gendən-genə tanıyardılar, əl-əlbət, adlarını eşitmişdilər.

Müasir tariximizin II Qarabağ müharibəsində onları hamı tanıdı. Bizim generallar da erməni faşizminin, “region ağalığı” iddiasında olan düşmənlərin cilovlanmasında, ağızlarına qantarğa vurulmasında böyük rol oynadılar və əslində bəşəriyyətə xidmət etdilər.

Onlardan biri də bu gün doğum günü qeyd olunan general-leytenant Hikmət Mirzəyevdir.

Bu gün sosial şəbəkələrdə generala ünvanlanan minlərlə təbrik mətni oxumaq olar. Bu, səbəbsiz deyil. Hikmət Mirzəyev öz xidmətiylə, ərdəmi ilə, ciddiyyəti ilə, ən əsası, təvazökarlığı ilə xalqımızın sevimlisidir.

Bir çoxları onu “müzəffər general”, “Şuşanı azad edən komandir” adlandırır, onun rəhbərlik etdiyi xüsusi təyinatlı qüvvələrin müharibə zamanı fövqəladə xidmət və şücaət göstərdiklərini qeyd edirlər.

Bunların hamısı həqiqətdir. Hər kəs etiraf edir ki, XTQ-nin və onun komandanının şücaəti deyildiyi qədər var.

Ancaq Hikmət Mirzəyevi xalqın sevimlisi edən bir detal da var. O, şəhid əsgərlərinin kədərini qələbə paradı zamanı gözlərində daşıyan generaldır.

Açıklama yok.

Həmin gün əslində onun ən fərəhli günüydü, müharibədə qələbə qazanmışdı, müharibə qəhrəmanı elan edilmişdi, paradın ən şərəfli və fəxri yeri onun üçün ayrılmışdı, ancaq generalın gözlərindən kədər oxunurdu.

Paradın önündə qürurla, müzəffər generallara xas addımlarla irəliləyən generalın nədən kədərli olduğu açıq-aydın bilinirdi. Heç bir izaha ehtiyac yox idi ki, həmin anlarda o, qələbə gününü görməyən igid əsgərlərini düşünür, qəlbində onları yad edir, gənc ömürlərinin vətən yolunda olsa da, yarımçıq qırılmasına üzülür.

Tarixdə müzəffər generallar çox olub. Onlardan bəziləri qələbəni yüz minlərlə gənc əsgəri ölümə (bəzi hallarda mənasız qırğınlara) verməklə qazanıb. Bəzilərininki tamamilə “Pir qələbəsi” olub, astarı üzündən baha başa gəlib.

Ancaq Hikmət Mirzəyev öz əsgər və zabitlərini hər zaman qorumağa çalışıb, hərbi birləşmələrin mənasız itkiyə məruz qalmasına yol verməyib. Hər halda, onu tanıyanlar belə deyirlər və şübhəsizdir ki, düz deyirlər. Elin gözü tərəzidir. Bu xalq 15 il öncədən kimə barmaq tuşlayıb “yaramaz” deyirdisə, 44 günlük müharibədə tam sübut olundu ki, elədir.

Xalqımız bu doğum günündə müzəffər generalımıza cansağlığı, şərəfli xidmət və böyük uğurlar arzulayır.

Biz də adını Azərbaycan tarixinə qızıl hərflərlə həkk edən qəhrəman generalımıza həmişə xalqının sevimlisi və arxa-dayağı olmağı arzu edirik.

Xalid KAZIMLI(musavat.com)

Xəbərin oxunma sayı : 568