“Report” “TRT Haber”ə istinadən xəbər verir ki, bunu Türkiyənin təhsil naziri Ziya Selçuk azərbaycanlı həmkarı Emin Əmrullayevlə görüşdən sonra söyləyib.

“Türkiyə-Azərbaycan Peşə Təhsili Qurumu vasitəsilə ölkəmizin təcrübəsini azərbaycanlı qardaşlarımızla paylaşacağıq. Yeni açılacaq Peşə Təhsili Qurumunda IT, qonaqlama və səyahət xidmətləri, mebel və interyer dizayn, modelyerlik texnologiyaları kimi 5 sahədə təhsil verməyi planlaşdırırıq. Atılan imzaların hər iki ölkənin gözəl övladlarına xeyirli olsun”, - nazir bildirib.

Z.Səlçuk Azərbaycan xalqını Qarabağ zəfəri münasibətilə təbrik edib: “Azərbaycan xalqının uğuru bizim qürurumuzdur, onların sevinci bizim sevincimizdir”.