Teylorun işindən narazı qalan portuqaliyalı baş məşqçi Budapeştdəki stadionun dayanacağında hakimlə görüşüb və onu təhqir etməyə başlayıb.

“Lənətə gəlmiş üz qarası, lənətə gəlmiş üz qarası... Kəs səsini”, - deyə Mourinyo qışqırıb.

Hakim maşına minmək üçün portuqaliyalıdan uzaqlaşdıqdan sonra “Roma”nın mentoru mikroavtobusa yaxınlaşaraq “Təbrik edirəm, lənətə gəlmiş üz qarası”, - deyə məşqçi yenidən qışqırıb.

Xatırladaq ki,  Avropa Liqasının final matçında “Roma” və “Sevilya” komandaları qarşılaşıblar. Oyunda əsas vaxtı və əlavə vaxtı 1:1 hesabı ilə başa çatıb. Qalibi müəyyən etmək üçün penalti seriyasına ehtiyac yaranıb. Bu zərbələrdə daha dəqiq oynayan “Sevilya” 4:1 hesablı qələbə qazanıb və kuboku əldə edib.

Matç ərzində Teylor “Roma”nın futbolçularına yeddi sarı vərəqə göstərib. Həmçinin ingilis hakim 75-ci dəqiqədə romalıların qapısına penalti təyin etmək istəsə də, videotəkrardan sonra fikrini dəyişib.