AzFakt

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Məmur qurbanından Mehriban Əliyevaya müraciət: “Son ümidim sizsiniz...”


Tarix 06.11.19, 18:23	Font ölçüsü : - / +

"Son bir ildə oğlum Məmizadə Rəvanın sadəlövhlüyündən və etibarından istifadə etmiş Naftalan rayonu İcra Hakimiyyəti başçısının müavini Cabbarova Afət Hüsü qızı yüksək vəzifəli polis generalının adından, Xudiyeva Yaqut Rəşid qızı isə xalası oğlu – Goranboy rayonunun deputatı Mahir Aslanovun adından istifadə edərək güvən qazanmış və oğlumun bir qohumunu - Mahmudov Hüsü Əsgər oğlunu guya Dövlət Yol Polisi Xidmətinə bir həftə müddətində işə düzəldəcəkləri barədə söz vermiş və ondan yuxarıda göstərilən tarixdə 25000 AZN pul almışdırlar".

Bu sözlər Laçın rayonundan məcburi köçkün, hazırda Gəncə şəhəri, Gülüstan qəsəbəsi, Yeni Yasayis massivində yaşayan Cəbrayılova Raya Novruz qızının Qaynarinfo-ya göndərdiyi I Vitse-prezident Mehriban Əliyevaya müraciətində deyilir.

O, şikayətində yuxarıda adı çəkilən yüksək çinli məmurlar tərəfindən aldadıldıqlarını iddia edib.

Raya Cəbrayılovanın məsələ ilə bağlı Azərbaycanın birinci xanımı, birinci vitse-prezident Mehriban Əliyevaya yazdığı şikayət ərizəsini olduğu kimi təqdim edirik:

"Yazib sizə bildirirəm ki, mən Laçın rayonundan məcburi köçkünəm, hal-hazırda Gəncə şəhəri, Gülüstan qəsəbəsi, Yeni Yasayis massivində yaşayıram. Artıq bir neçə ildir ki, onkoloji xəstəlikdən əziyyət çəkirəm.

Bu xəstəlik onsuz da məni və ailəmi maddi olaraq sıxıntılara salıb. Bu sıxıntılar azmış kimi son bir ildə-daha dəqiq desəm, 18.12.2018 tarixindən bu günə kimi mənim oğlum Məmizadə Rəvan Əli oğlunun sadəlövhlüyündən və etibarından istifadə etmiş Naftalan rayonu İcra Hakimiyyəti başçısının müavini Cabbarova Afət Hüsü qızı yüksək vəzifəli polis generalının adından, Xudiyeva Yaqut Rəşid qızı isə xalası oğlu – Goranboy rayonunun deputatı Mahir Aslanovun adından istifadə edərək güvən qazanmış və oğlumun bir qohumunu - Mahmudov Hüsü Əsgər oğlunu guya Dövlət Yol Polisi Xidmətinə bir həftə müddətində işə düzəldəcəkləri barədə söz vermiş və ondan yuxarıda göstərilən tarixdə 25000 AZN pul alıblar.

Onlar bundan əvvəl də bəzi insanları işə düzəltdiklərini deyərək yalançı etibarlarını daha da möhkəmləndirmişdirlər. Bir müddət sonra tam dəqiq aydın olanda ki, işə düzəltmə söhbəti tam yalan və dələduzluq imiş və verilən pul da artıq bu şəxslər tərəfindən geri qaytarılmır, mən özüm Afət xanımın qəbuluna yollandım. Mənimlə söhbətində bu xanım heç bir ittihamı qəbul etmədi və sanki belə bir hadisənin olmadığını təkidlə bildirdi. Lakin oğlum pulu Yaqut xanımın evində Afət xanım da orda ola-ola pulun ona çatacağı səbəbi ilə Yaqut xanıma verib. Sonradan Afət xanım bütün bunları təkzib etdi və hətta oğlumu polisə verəcəyi ilə hədələdi.

Hörmətli Mehriban xanım, çox təəssüflər olsun ki, yuxarıda qeyd etdiyim pul verilmə məsələsi ilə bağlı əlimizdə bir sənəd olmadığına görə hər iki xanım müəyyən adamların adından istifadə edərək oğlumu belə rahatlıqla təhdid edir və daha da təəssüflər olsun ki, pulun verilməsi barədə sənəd olmadığından polis orqanları da bizim şikayətimizə baxmır. Əlbəttə ki, buna Polis orqanlarının tam hüququ çatır. Siz hər nə qədər yüksək vəzifəli rəsmi şəxs olsanız da, mən bu məktubu sizə sırf sizin həmişə istər ümumi xalqa, istərsə də fərdi şəxslərə göstərdiyiniz ədalətli köməyinizə və haqqın yerini tapması üçün heç bir güzəştə getməməyinizə görə yazıram. Bəli, mənim əlimdə heç bir sübut yoxdur, ancaq mən sizin qeyri-rəsmi ədalətinizə və mənə - xəstə və çarəsiz Azərbaycan qadınına həqiqətən köməklik edəcəyinizə inanıram. Hörmətli Birinci xanım, hər nə qədər bunlar ictimaiyyətdə dilləndirilməsə də, mən də digər azərbaycanlılar kimi sizin, hörmətli Cənab Prezidentin və qızınız Leyla xanımın saysız hesabsız çarəsiz insanların son ümid yeri olaraq onlara hərtərəfli köməklik göstərdiyinizi bilirəm.

Çox xahiş edirəm ki, mənim də bu çarəsiz səsimi duyasınız və mənim sadəlovh oğlumdan sui-istifadə edərək onun etibarını zədələyən, bir ildir onun da, mənim də həyatımızı zəhər edən bu özbaşına və dələduz insanları aldıqları pulu geri ödəmələrinə məcbur edəsiniz. Bilin ki, bu qeyri-ədalətli məsələdə ədalətin bərpası üçün yeganə və son ümid bu məktub və siz hörmətli Mehriban xanımsınız".

Qaynarinfo

Xəbərin oxunma sayı : 202