AzFakt

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Oğlanı bıçaqla, ögey bacısını isə boğaraq, qətlə yetirib - dəhşətli qətlin təfərrüatı


Tarix 09.10.19, 19:46	Font ölçüsü : - / +

Bakıda iki nəfəri qətlə yetirməkdə təqsirləndirilən şəxsin məhkəməsi başlayıb. Öldürdüyü qadın onun ögey bacısı olub.

Musavat.com xəbər verir ki, Bakı Ağır Cinayətlər Məhkəməsində qətl törətməkdə ittiham edilən Vəli Behbudovun cinayət işi üzrə məhkəmə iclası keçirilib. Hakim Azad Məcidovun sədrliyi ilə keçirilən məhkəmə iclasında dövlət ittihamçısı çıxış edib.

İttihama görə, hadisə bu ilin fevral ayında "28 May" qəsəbəsi ərazisində baş verib. 27 yaşlı Məmmədov İlkin Elman oğlu və 25 yaşlı Muradzadə Sevinc Yaşar qızının meyitləri tapılıb. Oğlan bıçaq zərbəsilə, qız isə boğularaq qətlə yetirilib.

Polis əməkdaşları bu iki nəfəri qətlə yetirməkdə şübhəli bilinən şəxsi saxlayıblar. Məlum olub ki, o, Sevinc Muradzadənin ogey qardaşı, Beyləqan rayonunun 30 yaşlı sakini Behbudov Vəli Əli oğludur.

İlkin araşdırma zamanı məlum olub ki, 27 yaşlı Məmmədov İlkin Elman oğlu ilə 25 yaşlı Muradzadə Sevinc Yaşar qızı 2017-ci ildə ailə həyatı qurub. Gəncə şəhər sakini olan İlkinlə Beyləqanda anadan olmuş Sevinc boşanmaq qərarına gəliblər. Bundan sonra qadın körpə övladı ilə evi tərk edib. İlkin isə Binəqədi rayonu ərazisində yaşamağa davam edib və avtomobil təmiri sexində işləyib.

Bundan əsəbiləşən V.Behbudov S.Muradzadəni götürərək İ.Məmmədovun "28 May" qəsəbəsindəki evinə gətirib. Görüş zamanı dava-dalaş düşüb. Münaqişə zəminində Vəli Behbudov İlkinə çoxsaylı bıçaq zərbələri endirib, qadını isə boğaraq öldürüb. O, daha sonra Nərimanov Rayon Polis İdarəsinə gedərək əməlini könüllü etiraf edərək təslim olub.

Araşdırma zamanı V.Behbudovun psixoloji problemləri olduğu üçün onu xəstəxanaya yerləşdiriblər. Hakim bildirib ki, istintaq orqanı təqsirləndirilən şəxsin anlaqsız olduğu qənaətinə gəlsə də, inandırıcı deyil, çünki o, istintaqın əvvəlində sağlam şəxs olaraq normal ifadə verib. Hakim bildirib ki, sonradan psixoloji problemi yaransa belə, bu, məsuliyyətdən azad etmir və sağaldıqdan sonra məsuliyyətə cəlb olunacaq.

Məhkəmədə mərhumun hüquqi varisi, qətlə yetirilən İlkin Məmmədovun anası ifadə verib. O, bildirib ki, Vəli Behbudovun əvvəllər psixoloji problemi olmayıb. "Gəlinimin qohumları deyirlər ki, guya mənə görə ayrılıblar, amma niyə boşanmaq üçün ərizə verildiyini özləri yaxşı bilir" - deyərək ortada xəyanət olmasına işarə edib.

Mərhumun anası bu işə obyektiv baxılmasını xahiş edib. Prosesdə şahid qismində dindirilən Sona Hacılı bildirib ki, qətlə yetirilən İlkin Məmmədovun bacısıdır. O da Vəli Behbudovla dəfələrlə məclislərdə olduğunu və heç zaman psixoloji problemini müşahidə etmədiyini deyib. "Onun qardaşımın İnstaqram səhifəsində videoları da var. Onlar birlikdə deyib-gülürlər" - deyə S.Hacılı qeyd edib.

İ.Məmmədovun xalası Bəsti İbrahimova da məhkəmədə şahid qismində ifadə verib. Digərləri kimi o da V.Behbudovun sağlam olduğunu bildirib. Mərhumların qonşusu, şahid Güllü Cəfərova isə bildirib ki, həyətə girəndə hər ikisinin öldürüldüyünü görüb. O, təcili yardıma və polisə məlumat verdiyini deyib.

Vəli Behbudovun əmisi Rəşid Behbudov da məhkəmədə dindirilib. O, bildirib ki, qardaşı oğlu psixoloji probleminə görə hərbi xidmətə getməyib və Maştağada yerləşən ruhi-əsəb dispanserində qeydiyyatda olub. Vəli Behbudovun bacısı Zəhra Muradzadə isə bildirib ki, qardaşı özünü son zamanlar qapalı aparıb, evdə anormal hərəkətlər edib.

Vəli Behbudovun və qətlə yetirilən Sevinc Muradzadənin anası bildirib ki, oğlu uşaq vaxtı yıxılıb və başına dəmir düşərək zədə alıb. O, oğlunda özünəqapanma, əsəbilik olduğunu bildirib.

Xatırladaq ki, məhkəmənin hazırlıq iclasında Vəli Behbudovun anlaqsız olduğu, özünü idarə edə bilmədiyi və buna görə də 1 nömrəli Respublika Psixiatriya Xəstəxanasına yerləşdirildiyi məlum olmuşdu. Mərhumun valideynləri də buna etiraz edərək bildirmişdilər ki, Vəli Behbudov özünü "dəli" kimi aparır.

Məhkəməyə polis nəzarətində gətirilən Vəli Behbudov əlləri ilə qulaqlarını tutaraq başını arxaya, önə əyərək heç nə danışmır. Məhkəmə hazırlıq iclasında qərar qəbul edib. Qərara əsasən Vəli Behbudovun xəstə olmadığı qənaətinə gəlinib və buna görə də barəsində həbs-qətimkan tədbiri seçilib. O, 1 saylı Bakı İstintaq Təcridxanasına köçürüləcək. Ona qarşı Cinayət Məcəlləsinin 120.2.2-ci (xuliqanlıq niyyəti ilə adam öldürmə) və 120.2.7-ci (iki və ya daha çox şəxsi öldürmə) maddəsi ilə ittiham verilib.

Xəbərin oxunma sayı : 694