AzFakt

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Türkiyə Qərb ittifaqından niyə qopa bilməz? – NATO sammitində çəkilən foto


Tarix 05.12.19, 23:22	Font ölçüsü : - / +

Nagehan Alçı

“Habertürk”, Türkiyə, 04 dekabr 2019-cu il

Londonda keçirilən NATO sammitində bütün gözlər Türkiyənin üzərindədir.

Bir müddətdir ki, Türkiyəni Qərb ittifaqından, hətta Qərb mədəniyyətindən qoparmaq və tamamilə içinə qapadaraq, III dünya ölkəsi etmək istəyən, “Türkiyə NATO-dan çıxsın” deyərək, kampaniya aparan dairələr bu zirvə görüşünə ümid bağlamışdılar.

Bu zərərli dairələr həm Türkiyə daxilində, həm də xaricdə mövcuddur. Siz onların bir-birinə düşmən kimi göründüklərinə baxmayın. Onlar bir-birinin qida mənbəyidirlər.

Qərb mediasında “Türkiyə NATO-dan çıxarılsın” yazanlarla ölkə daxilində “NATO-dan çıxaq” deyən başlar eyni zehniyyət sahibidirlər. Onlar “düşmən qardaşlar”dırlar.

Bu arada, Qərb mediasında Türkiyənin NATO-dan çıxarılması yönündə qara təbliğatı ən çox gülənçilərin apardığını unutmayaq.

Tariximizin ən önəmli qərarlarından biri

Cümhuriyyət tarixinin ən önəmli qərarlarından biri 1952-ci ildə NATO-ya üzv olmağımızdır.

NATO-ya, ümumiyyətlə Qərb ittifaqına üzv olmağımız DP ilə CHP-nin ortaq iradəsi və müştərək qələbəsidir.

Siz indi həqiqətə zidd şəkildə özünə kamalçı deyən Qərb düşmənlərinə baxmayın. Onlar 1960-cı illərdə törəmiş və Atatürkün həqiqi fikirlərilə əlaqəsi olmayan BƏƏS-çı (Ərəb Sosialist Dirçəlişi Partiyası – tərc.) başlardır.

Cümhuriyyətimizin qurucusu Qazi Mustafa Kamal Atatürk yaşasaydı, 1952-ci ili gözləmədən, 1949-cu ildə Türkiyənin NATO-nun qurucu üzvü olmasını təmin edərdi. Atatürk bu ölkəni Qərb sivilizasiyasının bir mənsubu etmək üçün çox səy göstərmiş böyük bir liderdir.

Belə bir dövlət adamının Qərb düşməni kimi göstərilməsi necə istənilə bilər? İnana bilmirəm.

1952-ci ildə NATO-ya daxil olmağımız atatürkçü milli konsensus nəticəsində reallaşdı və tamamilə doğrudur.

Bununla bağlı olaraq, həm Kamal paşanı, həm Cəlal Bayarı, həm İsmət paşanı, həm də Adnan Menderesi hörmətlə və minnətdarlıqla yad edirəm.

Xoru məyus edən fotoşəkil

Dünən axşam Boris Conson, Anqela Merkel, Emanuel Makron və Tayyib Ərdoğanın dördlükdə baş tutan görüşündən sonra Qərbdə və içimizdə olan bu xor böyük məyusluq keçirdi. Çünki həmin görüşdən sonra fotoşəkil çəkdirən liderlər Türkiyənin ittifaq üçün önəmini və birliyin davam etdirilməsini nümayiş etdirən duruş sərgilədilər.

Bizi Qərb ittifaqından qoparmağa çalışmağın, NATO-dan çıxmağı müzakirəyə açmağın zəhər içməkdən fərqi yoxdur.

Türkiyə bu ittifaqın şərəfli mənsubu kimi, NATO daxilində qalaraq, daha güclü bir ölkə ola bilər.

Bu ölkənin getməli olduğu yön

Dördlü görüşdən sonra çəkdirilən həmin fotoşəkil bu ölkənin getməli olduğu yönü göstərir.

Özümüzü aldatmayaq, tənqid olunmalı çox tərəfi olsa da, bu gün Qərb dünyasından kənarda hüquqi dövlət və liberal demokratiya nümunəsi yoxdur.

Əlbəttə, ən başda Rusiya olmaqla, çoxyönlü münasibətlərimizi inkişaf etdirməliyik.

S-400-lə bağlı da haqlıyıq. Bizə “Patriot”lar verilsəydi, S-400 almağa məcbur olmazdıq.

Lakin bu müstəqil mövqeyimizi Qərb ittifaqının bir parçası olaraq nümayiş etdirməliyik və elə də edəcəyik.

Tərcümə Strateq.az-ındır

Xəbərin oxunma sayı : 451