AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

“Avropa Türkiyə olmadan təhlükəsizlik sistemini qura bilməyəcək“ - Çavuşoğlu


Tarix 17.04.26, 14:46	Font ölçüsü : - / +

Avropa Türkiyə olmadan təhlükəsizlik sistemini qura bilməyəcək, iyulda Ankarada keçiriləcək NATO sammiti isə gərginliyin azaldılmasına və alyans müttəfiqləri arasında birliyin möhkəmləndirilməsinə töhfə verəcək.

Bu barədə Türkiyənin sabiq xarici işlər naziri, ölkə parlamentinin NATO-dakı nümayəndə heyətinin rəhbəri Mövlud Çavuşoğlu bildirib.

O qeyd edib ki, Avropa İttifaqı (Aİ) ölkələri çox vaxt Aİ-yə daxil olmayan ölkələri, o cümlədən Türkiyə kimi NATO tərəfdaşlarını gözardı edirlər.

"Türkiyə kimi bir ölkə olmadan Avropanın təhlükəsizlik arxitekturasını qurmaq qeyri-mümkündür. Ankaradakı sammitdə prezident (Türkiyə Prezidenti Rəcəb Tayyib Ərdoğan - red.) qonaqları qəbul etməklə yanaşı, gərginliyin azaldılması və NATO müttəfiqləri arasında birlik və həmrəyliyin bərpa olunması üçün səylər göstərmək niyyətindədir", - o, Antalya Diplomatiya Forumunun panel sessiyasında çıxış edərkən bildirib.

ABŞ Prezidenti Donald Tramp tərəfindən NATO-nun fəaliyyətinin tənqid edilməsinə toxunan Çavuşoğlu qeyd edib ki, onun ilk prezidentlik dövründə Vaşinqtonun əsas gözləntisi avropalı müttəfiqlərin NATO-nun fəaliyyətinə və əməliyyatlarına töhfəsinin artırılması idi.

"Lakin Trampın bəyanatları - xüsusilə də avropalı müttəfiqlərə və NATO-ya münasibətdə - Avropada təkcə narahatlıq yaratmadı, həm də Qrenlandiya ətrafındakı vəziyyət kimi bir sıra məsələləri kəskinləşdirdi. Bu da öz növbəsində Avropanın strateji muxtariyyəti, yəni onun təhlükəsizlik sahəsində müstəqilliyi ilə bağlı müzakirələri sürətləndirdi və ya ən azından müvafiq səyləri fəallaşdırdı", - Çavuşoğlu əlavə edib.

Onun sözlərinə görə, Avropa ölkələri, müttəfiqlər və digər dövlətlər, o cümlədən Türkiyə həm öz təhlükəsizliyini, həm də Avropanın təhlükəsizliyini təmin etmək üçün öz potensialını gücləndirməlidir.

"Avropalılara məsləhətimiz ondan ibarətdir ki, Avropa ölkələrinin, müttəfiqlərin və digər dövlətlərin, o cümlədən Türkiyənin öz təhlükəsizliyini və Avropanın təhlükəsizliyini təmin etmək üçün öz potensialını gücləndirməsi son dərəcə vacibdir. Lakin bu, NATO-ya alternativ kimi nəzərdən keçirilməməlidir", - o vurğulayıb.

Xəbərin oxunma sayı : 1186