AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Elton Məmmədovun həbsi tələb olunur - Sabiq deputatı məhkəməyə kim verib?


Tarix 27.01.22, 11:58	Font ölçüsü : - / +

Elton Məmmədov onu məhkəməyə verən şəxsin adını açıqlayıb.

Bu barədə Lent.az-a danışan sabiq deputat bildirib ki, xüsusi ittiham qaydasında məhkəməyə verilməsi ilə bağlı bildirişi ötən gün alıb: “Məndə olan məlumata görə, məni məhkəməyə Akademiyanın hüquq şöbəsinin müdiri Kamal Əliyev verib. Bu adam şəxsi münasibətləri Akademiya səviyyəsinə gətirib çıxarıb. Kamal Əliyev Tərtər işlərinə görə məhkəmə sistemindən uzaqlaşdırılan bir adamdır. Ramiz Mehdiyev isə onu Akademiyanın hüquq şöbəsinə müdir təyin edib. Bütün bu intriqaları, söz-söhbətləri yaradan isə Ramiz Mehdiyevin kürəkəninin qardaşı, hazırda İşlər İdarəsinin müdiri vəzifəsini icra edən Fikrət Əliyevdir. Bunlar bir qrupdur”.

***

Azərbaycan Milli Elmlər Akademiyasının işlər idarəsinin sabiq müdiri, keçmiş deputat Elton Məmmədov barəsində cinayət işinin başlanılması üçün məhkəməyə müraciət edilib. “Qafqazinfo”nun məlumatına görə, onun barəsində xüsusi ittiham qaydasında şikayət verilib.

Ziya Məmmədovun qardaşı haqda Cinayət Məcəlləsinin 147.2 (Ağır və ya xüsusilə ağır cinayətdə ittiham etməklə böhtan atma) və 148-ci (Təhqir, yəni kütləvi çıxışlarda, kütləvi nümayiş etdirilən əsərdə, kütləvi informasiya vasitəsində və ya kütləvi nümayiş etdirildiyi halda internet informasiya ehtiyatında şəxsiyyətin şərəf və ləyaqətini nalayiq formada qəsdən alçaltma) maddələri ilə cinayət işinin başlanılması istənilir.

Səbail Rayon Məhkəməsində keçiriləcək prosesə hakim Günel Səmədova sədrlik edəcək. Məhkəmənin hazırlıq iclası fevralın 2-nə təyin olunub.

Şikayət edən şəxsin adı açıqlanmasa da, bunun AMEA-nın prezidenti Ramiz Mehdiyevin olduğu ehtimal olunur.

Məsələ burasındadır ki, Elton Məmmədov bir neçə gün öncə mətbuatda açıqlamasında AMEA-da baş verən son hadisələrə münasibət bildirib. O, açıqlamasında qurumun rəhbəri Ramiz Mehdiyevi sərt şəkildə tənqid edib.

Elton Məmmədov qeyd edib ki, Ramiz Mehdiyev Prezidentin siyasətinə zidd addımlar atır: “AMEA-nın akademikləri ümumi yığıncaqda Ramiz Mehdiyevə etimadsızlıq göstərməlidirlər və bununla bağlı dövlət başçısına müraciət etməlidirlər. Ramiz Mehdiyevin elm-idarəetmə sistemindən xəbəri yoxdur. Mən bunu demişəm və bu gün də həmin sözümün üzərindəyəm. Çox təəssüf edirəm ki, Azərbaycan elminə səriştəsiz, dövlətinin inkişafını istəməyən bir insan rəhbərlik edir”.

"Ramiz Mehdiyev erməni baldızının oğlunu AMEA-da vəzifəyə qoyub.Gündə işi-peşəsi qəzetdən qayçı ilə dedi-qoduları kəsməkdir. Üstəlik Rəyasət Heyətində oradan-buradan qovulmuş yaxın adamlarını və qohum-əqrəbalarını oturdub.Bu gün həmin qohum-əqrəba Ramiz Mehdiyevə “pas” ötürür. Çünki o, özü-özünü idarə edə bilmir, öz fikrinin daşıyıcısı və icraçısı deyil. O zamanlar AMEA-da Rasim Ağasiyev var idi. Hansı ki, zamanında Ramiz Mehdiyevin pasport və qeydiyyat şöbəsində işləyən qaynı Levan Qurskaya Yuriyeviçlə birləşib birbaşa ermənilərin Azərbaycan və rus adı ilə Azərbaycandan köçməsinə xidmət ediblər..."- deyə, şok ittihamlar irəli sürmüşdü.

Qeyd edək ki, sabiq deputat Ramiz Mehdiyevin AMEA-da həyata keçirdiyi ilk təyinatlardan olub. Belə ki, R. Mehdiyev 2019-cu ilin oktyabrın 23-də AMEA prezidenti seçilib. Həmin ilin noyabrında isə Ziya Məmmədovun qardaşı Elton Məmmədova yüksək vəzifə verərək onu AMEA-nın “Yüksək Texnologiyalar Parkı” Məhdud Məsuliyyətli Cəmiyyətinin direktoru təyin edib. Təyinatından 4 ay sonra yəni 2020-ci ilin martın 6-da eks-deputat sözügedən vəzifədən azad edilib. Onun yerinə keçmiş nazir Əli Abbasov gətirilib.

Daha sonra isə E. Məmmədova AMEA-da işlər müdiri vəzifəsi həvalə edilib. Qısa vaxt aralıqlarıyla vəzifəyə gətirilib-çıxarılan Elton Məmmədovla AMEA prezidenti arasında fikir ayrılıqları yaranıb. Elə bu anlaşılmazlıqlara görə Ramiz Mehdiyev onu qapalı iclasda sərt tənqid edib və işdən çıxarıb.

Buna cavab olaraq E.Məmmədov məhkəməyə üz tutub. Ötən ilin dekabrında Səbail rayon Məhkəməsində Azərbaycan Milli Elmlər Akademiyasının İşlər İdarəsinə qarşı növbəti məhkəmə prosesi baş tutub. Hakim İlkin Rüstəmlinin icraatında olan mülki iş üzrə qətnamə elan edilib.

Məhkəmədə iddiaçı, AMEA-nın İşlər idarəsinin sabiq müdiri Elton Məmmədovun AMEA-nın rəhbərliyinə qarşı qaldırdığı “işə bərpa” və “əmək münasibətləri üzrə” iddiası təmin edilib.

Xəbərin oxunma sayı : 1048