AzFakt

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Sabiq nazir Fazil Məmmədovun bankı əlindən alınır? – “Ata Bank”ın rəhbərliyinə gətirilən Ağakərim Məlikaslanov kimdir?


Tarix 15.10.19, 23:24	Font ölçüsü : - / +

Olduqca çətin günlərini yaşayan və sabiq vergilər naziri Fazil Məmmədovun bankı kimi tanınan “Ata Bank”da İdarə Heyətinin sədr müavini postuna yeni təyinat olub.

FED.az-ın yaydığı məlumata görə bu, Ağakərim Məlikaslanovdur.

Məlumatda deyilir ki, Ağakərim Məlikaslanov Mərkəzi Bankda rəhbər vəzifədə olan bir şəxsin qohumudur. Lakin həmin şəxsin kimliyi açıqlanmır.

Ağakərim Məlikaslanovun Mərkəzi Bankda hansı rəhbər vəzifəli şəxsin qohumu ola biləcəyinə dair kiçik araşdırmamızın nəticəsi göstərir ki, böyük ehtimalla söhbət Elman Rüstəmovun müşaviri Abdulla Məlik-Aslanovdan gedir.

Bu ad və soyadla internetdə verdiyimiz axtarış Məlik-Aslanov Ağakərim Abdulla oğlu nəticəsini üzə çıxardı. Bu soyada nadir rast gəlindiyini nəzərə alsaq, belə qənaətə gəlmək olur ki, böyük ehtimalla Ağakərim Məlikaslanov Elman Rüstəmovun müşaviri Abdulla Məlik-Aslanovun oğludur.

Abdulla Məlik-Aslanov isə Mərkəzi Bank sədrinin ən yaxın adamlarından biri sayılır. Hətta onun adı 2000-ci illərin ortalarında yeni dövriyyəyə buraxılan pulların sifarişi, daşınması və qəbulu ilə bağlı yaranmış qalmaqallı hadisələrdə hallandırılırdı.

Həmin vaxt mətbuatda o vaxtkı Milli Təhlükəsizlik Nazirliyinin (MTN) Elman Rüstəmovun müavini postunu tutan Abdulla Məlik-Aslanovu saxladığı da iddia edilirdi. Buna səbəb onun Mərkəzi Bankdan külli miqdarda pul oğurluğu ilə bağlı baş verən məşhur qalmaqalda şübhəlilərdən biri olması imiş. Həmin vaxt Eldar Mahmudovun rəhbərlik etdiyi qurumun məqsədi ondan Mərkəzi Bank rəhbərinin əleyhinə baş verənlərlə bağlı ifadə almaq olub. Lakin bu planın baş tutmadığı və Məlik-Aslanovun baş bankirin əleyhinə ifadə vermədiyi bildirilirdi.

Bundan sonra Mərkəzi Bankın bir neçə vəzifəli şəxsi ilə birgə Abdulla Məlik-Aslanov da görəvindən kənarlaşdırılır. Elman Rüstəmov isə görünür, həmin vaxt şəxsi nüfuzundan istifadə edərək bu qalmaqalın daha ağır fəsadları olmadan aradan qaldırılmasına nail olur.

Maraqlıdır ki, onun vəzifədən kənarlaşdırdığı Abdulla Məlik-Aslanov bir müddət sonra baş bankirin əmri ilə Mərkəzi Bankın İdarə Heyəti sədrinin müşaviri postuna gətirilir. Onu da xatırladaq ki, məlum cinayət Ağır Cinayətlərə Dair İşlər üzrə Məhkəmədə araşdırılıb, təqsirləndirilənlər arasında Mərkəzi Bankın demək olar, heç bir yüksək çinli məmuru olmayıb və məsuliyyəti ancaq aşağı vəzifəli şəxslərin üzərinə qoyulub…

Ağakərim Məlikaslanovun özünə gəldikdə isə yeni təyin olunmuş sədr müavinin, bundan öncə “Texnika Bank”da və “AzFinance” İnvestisiya şirkətində çalışdığı qeyd olunur.

Ağakərim Abdulla oğlu Məlikaslanov adına həmçinin Abşeron Rayon Məhkəməsində 2017-ci ildə baxılan “Əmlakın qeyri-qanuni sahiblikdən götürülməsi”nə dair işdə rast gəlinir. Bunun eyni adama aid olub-olmadığına dair isə qəti bir söz deyə bilmərik.

Hər necə olsa, artıq Ağakərim Məlikaslanovun “Ata Bank”da öz vəzifəsini icra etdiyi və yaxın saatlarda onun təyinatı ilə bağlı rəsmi məlumatın açıqlanacağı bildirilir. Onu da qeyd edək ki, son zamanlar “AtaBank”ın müflisləşmə ərəfəsində olduğuna dair məlumatlara tez-tez rast gəlinir.

Ola bilər ki, “Ata Bank”ın idarəçiliyinə Mərkəzi Bankın rəhbərliyinə yaxın şəxsin gətirilməsi də banka nəzarətin ələ götürülməsi və hansısa yeni addımların atılacağı ilə bağlıdır. Bu proses isə tezliklə bankın Fazil Məmmədovdan alınmasına gətirib çıxara bilər.

Onu da qeyd edək ki, “Ata Bank”da vəziyyəti düzəltmək üçün Fazil Məmmədovun müəyyən addımlar atmasına rəğmən, heç bir nəticə əldə edə bilmədiyi və sabiq nazirin özünün böyük məbləğdə “yükləndiyinə” dair məlumatlara rast gəlinir.

Xatırladaq ki, “Ata Bank” Azərbaycanda ən böyük kapitallı banklardan biri sayılır və onun 145 milyon manatlıq kapitala malik olduğu bildirilir. Lakin rəsmi göstəricilərin bankın real vəziyyətilə nə dərəcədə uzlaşdığı çox böyük sual altında olan məsələdir.

azpolitika.info

Xəbərin oxunma sayı : 1342