AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Tanınmış iş adamını şərləyənlərə məhkəmədən şok zərbə - İlginc faktlar...


Tarix 08.05.26, 14:56	Font ölçüsü : - / +

Bir müddət əvvəl tanınmış iş adamı Fuad Allahverdiyevin adı mətbuatda ailə qalmaqalı kimi təqdim olunan hadisələrlə gündəmə gəlmişdi. O dövrdə cəmiyyətə elə göstərilirdi ki, məsələ sadəcə keçmiş ər-arvad arasında yaranmış şəxsi mübahisədən ibarətdir.

"Dia-az" xəbər verir ki, lakin sonradan ortaya çıxan məhkəmə sənədləri və Bakı Ağır Cinayətlər Məhkəməsinin 28 aprel 2026-cı il tarixli hökmü göstərdi ki, bu hadisələrin arxasında daha ciddi və təhlükəli bir mexanizm dayanıb. Həmin hökm bir ailə münaqişəsinin deyil, illərlə davam edən daha ağır bir sxemin üstünü açdı.

Məhkəmə sənədlərinə görə, Allahverdiyeva Gülşən Əsgər qızı — Əsgərova — sadəcə keçmiş həyat yoldaşı ilə mübahisə edən qadın olmayıb. O, şəxsi həyatın sirri olan materialları qanunsuz şəkildə toplamış və yaymış, pornoqrafik materiallardan istifadə etmiş, habelə külli miqdarda əmlakı hədə-qorxu ilə tələb etmişdir.

Bakı Ağır Cinayətlər Məhkəməsi ona Azərbaycan Respublikası Cinayət Məcəlləsinin 182.3.2-ci maddəsi ilə 10 il, 242-ci maddəsi ilə isə 1 il müddətinə azadlıqdan məhrum etmə cəzası təyin etmişdir. Cəzalar qismən toplandıqdan sonra Allahverdiyeva Gülşən Əsgər qızına qəti olaraq 10 il 6 ay müddətinə azadlıqdan məhrum etmə cəzası verilmişdir.

Bu, sadəcə ailə mübahisəsi deyildi. Bu, iş adamı Fuad Allahverdiyevə qarşı şəxsi həyat materiallarından, saxta sənədlərdən, hədə-qorxudan və şantajdan istifadə edilərək qurulmuş plan idi.

Bu sxemin kökü hələ 2014-cü ildə rəsmiləşdirilmiş mübahisəli nikaha gedib çıxır. Həmin nikah Fuad Allahverdiyevin real iştirakı və imzası olmadan, Allahverdiyeva Gülşən Əsgər qızının doğma bibisi, həmin dövrdə Abşeron Rayon Qeydiyyat Şöbəsində vəzifəli şəxs olmuş Tahirə Əsgərova Mikayıl qızının iştirakı ilə saxta sənədləşmə əsasında rəsmiləşdirilmişdir.

Daha sonra məhz bu saxta nikah əsasında Allahverdiyeva Gülşən Əsgər qızı tərəfindən iş adamı Fuad Allahverdiyevə qarşı illərlə şantaj və hədə-qorxu mexanizmi qurulmuş, onun pulları və əmlakları bu yolla mənimsənilmişdir.

Allahverdiyeva Gülşən Əsgər qızı iş adamı Fuad Allahverdiyevdən cinayət yolu ilə əldə etdiyi pullar hesabına qardaşı Elşən Əsgərov Əsgər oğluna şəhərin mərkəzində bahalı, lüks mənzil almışdır.

Bakı Ağır Cinayətlər Məhkəməsinin hökmündə göstərilənlərə görə, Allahverdiyeva Gülşən Əsgər qızı iş adamı Fuad Allahverdiyevə aid şəxsi xarakterli foto və video materialları qanunsuz şəkildə əldə etmiş, daha sonra isə tamah məqsədilə yaymışdır. Həmin materiallardan istifadə etməklə Fuad Allahverdiyevdən və digər şəxslərdən hədə-qorxu yolu ilə külli miqdarda əmlak və pul tələb edilmişdir.

Bundan başqa, təxminən iki il əvvəl iş adamı Fuad Allahverdiyev polis orqanlarında şərlənərək həbs etdirilmiş, bununla da onun işgüzar nüfuzuna ciddi zərər vurulmuşdur. Lakin sonradan Xəzər Rayon Məhkəməsinin hökmü ilə Fuad Allahverdiyev bəraət almış və 5 mart 2025-ci il tarixində azadlığa buraxılmışdır.

İşin diqqət çəkən məqamlarından biri də cinayətdə istifadə olunan mobil nömrə ilə bağlıdır. Məhkəmə materiallarında göstərilir ki, “WhatsApp” qrupunun yaradılması və intim materialların həmin qrupda paylaşılması Allahverdiyeva Gülşən Əsgər qızının atası, Qax rayon sakini Əsgərov Əsgər Mikayıl oğlunun adına olan mobil nömrə üzərindən həyata keçirilmişdir.

Allahverdiyeva Gülşən Əsgər qızı məhkəmədə məsuliyyəti atasının üzərinə yönəltməyə çalışmışdır. O, həmin nömrənin atasına məxsus olduğunu, qrupu atasının yaratdığını və videoları onun paylaşdığını demişdir.

Lakin məhkəmə bu müdafiə xəttini qəbul etməmişdir. Nəticədə hökm məhz Allahverdiyeva Gülşən Əsgər qızı barəsində çıxarılmışdır. Bu isə göstərir ki, atanın adına olan nömrədən istifadə faktı onu məsuliyyətdən xilas etməmişdir.

Bakı Ağır Cinayətlər Məhkəməsinin 28 aprel 2026-cı il tarixli hökmü bu işin mahiyyətini tam dəyişdi. Allahverdiyeva Gülşən Əsgər qızı həmin cinayət əməllərinə görə 10 il 6 ay müddətinə azadlıqdan məhrum edildi.

Əvvəl ictimaiyyətə Fuad Allahverdiyev günahkar kimi təqdim edilirdi. Onun adı mətbuatda neqativ formada hallandırılır, özü isə ciddi ictimai təzyiqə məruz qalırdı.

Amma məhkəmə hökmü göstərdi ki, əslində Fuad Allahverdiyev tamah məqsədilə Allahverdiyeva Gülşən Əsgər qızı tərəfindən şərlənmiş, cəmiyyətdə nüfuzdan salınmış, şəxsi həyat materiallarının yayılması yolu ilə şantaj edilmiş və təzyiqə məruz qoyulmuşdur.

Bu iş bir daha göstərdi ki, saxta sənəd, şantaj və şəxsi həyat materialları ilə qurulan plan gec-tez ifşa olunur. İş adamı Fuad Allahverdiyevə qarşı qurulmuş mexanizm isə məhkəmə hökmü ilə artıq hüquqi müstəvidə Allahverdiyeva Gülşən Əsgər qızının qəsdən törətdiyi cinayət kimi tanınmışdır.

Məhkəmə təsdiq etdi: heç bir şantaj, heç bir saxta nikah və heç bir “bibi-ata” dəstəyi cinayət törədən şəxsi ədalətdən xilas edə bilməz. Allahverdiyeva Gülşən Əsgər qızının 10 il 6 ay müddətinə azadlıqdan məhrum edilməsi başqasının həyatını qaraltmaq istəyənlər üçün ciddi ibrət dərsi oldu.

Xəbərin oxunma sayı : 1432