AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Ramiz Mirzəyevin xanımı ilə qızı arasında miras qalmaqalı - Milyonluq əmlaklar


Tarix 22.05.26, 20:14	Font ölçüsü : - / +

AFFA-nın sabiq prezidenti Ramiz Mirzəyevin xanımı ilə qızı məhkəmədə üz-üzə gəlib.

Xitab24.az-ın əldə etdiyi məlumata görə, buna səbəb Ramiz Mirzəyevin vəfatından sonra geriyə qalan miras bölüşdürülməsində yaranan problemlərdir.

Anasına qarşı məhkəmə iddiasını isə mərhum Mizrəyevin qızı qaldırıb. O, atasından qalan mirasdan bəzi əmlakların qardaşı Anar Mirzəyevin də vəfatından sonra onların gəlini və Ramiz Mirzəyevin nəvəsinin adına keçirilməsinə etiraz edib.

Mirasa Tovuzda, İsmayıllıda, Şamaxıda çoxsaylı müxtəlif təyinatlı torpaq sahələri, Abşeron rayonu ərazisində bağ evi, Bakının Xətai, Nəsimi, Sabunçu, Səbail, Binəqədi rayonları ərazisində çoxsaylı mənzilər, şirkətlər, Ramiz Mirzəyevin bank kartlarında qalan bir milyon manata yaxın vəsait, avtomobillər və s. daxildir.

Ramiz Mirzəyevin qızı iddia ərizəsi ilə məhkəməyə müraciət edədək bir sıra əmlaklarda vərəsəlik payının müəyyən edilməsi və mirasın bölüşdürülməsini istəyib. Bundan başqa o, həmin əmlakların özgəninkiləşdirilməsinə dair bağlanmış əqdlərin, o cümlədən bağışlama və alqı-satqı müqavilələrinin etibarsız hesabedilməsi tələbini iddia ərizəsində qeyd edib. İddia ərizəsində qeyd olunan əmlaklar siyahısında avtomobillər və "Tamam” firması da daxildir.

Bundan başqa, Mirzəyevin qızı cavabdehlərin hərəkətlərində cinayət əməlinin olub-olmamasının müəyyən edilməsi üçün onlar barəsində xüsusi qərardad qəbul edilərək araşdırılma aparılması üçün müvafiq hüquq-mühafizə orqanlarına göndərilməsi barədə qətnamə qəbul edilməsini də xahiş edib.

Ramiz Mirzəyevin qızı anasına qarşı inamını qardaşı Anar Mirzəyevin vəfatından sonra itirdiyini bildirib. O qeyd edib ki, anası Sima Aslanova oğlunun vəfatından sonra atası Ramiz Mirzəyevlə birgə nikah dövründə əldə edilmiş əmlakları satmağa, hansısa formada başqa şəxslərə özgəninkiləşdirməyə başlayıb və artıq bir çoxuna müvəffəq olub. Bu əmlaklardan bəziləri Mirzəyevlərin gəlini Günay Aslanova və onun azyaşlı qızının adına keçirilib. Buna görə də o, məhkəməyə müraciət etmək məcburiyyətində qaldığını bildirib.

Maraq üçün onu da bildirək ki, Günay Aslanova Ramiz Mirzəyevin xanımı Sima Aslanovanın qardaşı qızıdır. Ramiz Mirzəyevin qızı anasının bu addımını mənimsəmə kimi dəyərləndirib.

Cavabdeh Sima Aslanova iddiaya etiraz edərək bildirib ki, həyat yoldaşı Ramiz Mirzəyevdən qalan əmlak vərəsələr tərəfindən rəsmi qaydada qəbul edilib və aralarında bərabər yəni, hər birinə 1/3 hissədə bölünüb.

"Hazırda vərəsəliyin müəyyən edilməsi və miras əmlakın vərəsələr arasında bərabər şəkildə bölünməsindən 17 il keçdikdən sonra iddiaçının məhkəməyə ərizə ilə müraciət edərək, miras qalmış əmlakın bölüşdürülən zaman bundan xəbərinin olmadığını, ailə dəyərlərinə, bir-birilərinə hörmət və sevgi olduğundan bu müddət ərzində əmlaklarda özünə düşən paylarda hansısa sənədləşmə aparmağı zəruri hesab etmədiyini bildirsə də, onun bu iddiası əsassız tələbdir" - cavabdeh tərəf bildirib.

Sima Aslanova qızının iddiasının rədd edilməsini məhkəmədən xahiş edib.

Birinci instansiya məhkəməsi Mirzəyevin qızının iddiasını qismən təmin edərək bir sıra əmlaklarda pay hüququnun müəyyən edilməsi, iddianın qalan hissədə təmin edilməməsini qət edib.

Ana və qızı növbəti dəfə apellyasiya məhkəməsində üz-üzə gəlib. Bu dəfə Mirzəyevin qızı iddiasının digər hissəsinin təmin edilməsini istəyib. Qarşı tərəfə, yəni anası isə birinci instansiya məhkəməsinin qətnaməsinin ləğvini xahiş edib. Lakin həm apellyasiya, həm də növbəti instansiya birinci qətnaməni qüvvədə saxlayıb.

Qeyd edək ki, Ramiz Mirzəyev 2007-ci ildə vəfat edib. Onun oğlu Anar Mirzəyev isə 2018-ci ildə avtomobil qəzasında həyatını itirib.

Xəbərin oxunma sayı : 106