AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

“Netanyahu iki seçim qarşısında qalıb“ - “Axios“


Tarix 04.06.26, 17:25	Font ölçüsü : - / +

İsrailin Baş naziri Binyamin Netanyahu son illərin ən mürəkkəb siyasi dilemması ilə üz-üzə qalıb. Livanda hərbi əməliyyatları genişləndirmək niyyətində olan Netanyahu ABŞ Prezidenti Donald Trampın ciddi təzyiqi ilə qarşılaşıb.

"Axios" nəşrinin yaydığı məlumata əsasən, Tramp İranla aparılan danışıqların pozulmaması üçün İsrail liderindən Beyruta qarşı genişmiqyaslı hücum planından imtina etməyi tələb edib. Bildirilir ki, iki lider arasında keçirilən telefon danışığında Tramp Livandakı vəziyyətin daha da gərginləşdirilməsinin regionda diplomatik səylərə zərbə vuracağını vurğulayıb.

ABŞ mediasının qiymətləndirməsinə görə, Netanyahu həm Vaşinqtonla münasibətləri qorumaq, həm də ölkə daxilində artan təzyiqlərlə mübarizə aparmaq məcburiyyətindədir. Oktyabr ayında keçirilməsi gözlənilən seçkilər öncəsi İsrail baş naziri həm HƏMAS-ın tam məğlub edilməsi, həm də İranla bağlı planlarını reallaşdıra bilmədiyi üçün tənqid hədəfinə çevrilib.

İsrail müxalifəti və hökumətdəki bəzi sərt xətt tərəfdarları Netanyahunu ölkənin maraqlarını ABŞ-a tabe etdirməkdə ittiham edirlər. Onların fikrincə, Trampın təzyiqi qarşısında geri addım atılması İsrailin müstəqil qərarvermə imkanlarını zəiflədir.

Bu arada Vaşinqtonda aparılan diplomatik təmaslardan sonra Livanla bağlı mümkün atəşkəs planının müzakirə edildiyi bildirilir. Lakin İsrail hökumətinin sağ qanadı bu təşəbbüsə açıq şəkildə qarşı çıxır.

Digər tərəfdən, Livanda yerləşən BMT sülhməramlı missiyasının bazalarından biri də hücuma məruz qalıb. Serbiya Müdafiə Nazirliyinin məlumatına görə, UNIFIL qüvvələrinin yerləşdiyi bazaya mərmi düşməsi nəticəsində bir serbiyalı hərbçi həlak olub, daha iki beynəlxalq sülhməramlı isə yaralanıb.

Xəbərin oxunma sayı : 427