AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

“Xetafe“də oynayan Turanın atası: “Düşünmədən Azərbaycan millisi!“


Tarix 10.09.21, 22:00	Font ölçüsü : - / +

Bir neçə gün öncə 11 yaşlı azərbaycanlı futbolçu Turan Qasımlı "Xetafe"nin akademiyasına keçib.

Yeniyetmə futbolçunun atası Cəmşid Qasımlı Fanat.Az-a müsahibəsində oğlunun İspaniya klubuna keçidindən danışıb.

- Turan hiperaktiv bir uşaq olub. Doğulduğu Sumqayıt şəhərində əməkdar idman xadimi Rövşən Allahverdiyev qonşumuz idi. Turanı karate məşqləri üçün onun yanına apardıq. Evi "sökməsin" deyə belə qərara gəldik. (gülür)... Uşaq öz enerjisini hardasa sərf etməli idi. Hər gün 2-3 saat məşq edirdi. Bəlli bir müddətdən sonra Turan yarışlara qatıldı və yaxşı nəticələr əldə etdi. Azərbaycan üzrə bürünc mükafatçı oldu. 6 yaşına qədər karate ilə məşğul olsa da, marağı daha çox futbola idi. Əlinə imkan düşən kimi futbol oynamağa qaçırdı. Yaşıdlarından fərqli olaraq oyuna daha böyük futbolçular kimi yanaşırdı. Hamı onun maraqlı futbol oynadığını qeyd edirdi. Azərbaycanda heç bir akademiyanın yetirməsi deyil.

Dostum İspaniyada yaşayır. Yay istirahəti üçün ailəvi olaraq 2 aylıq onun yanına getdik. Bir gün təsadüfən "Malaqa" futbol akademiyasının yanından keçirdik. Turan mənə bu akademiyada oynamaq niyyətində olduğunu bildirdi. Maraqlandıq və seçimlərin tarixini öyrəndik. Turanı düşünmədən akademiyaya qəbul etdilər. Qeyd edim ki, Avropada futbol akademiyasına qəbul olmaq elə də asan deyil. Turanın yetənəyi kifayət etdi ki, onu düşünmədən akademiyaya seçsinlər. Karatedə qazandığı bacarıqlar da ona kömək olub. Tez düşünüb qərar vermək, hər iki ayaqla topla rəftar etmək, qısa və cəld ötürmələri yerinə yetirmək kimi keyfiyyətlərin olmasında 2 illik karate praktikasının böyük rolu olub.

Bir müddət sonra məşhur futbolçu İskonun (İsco Alarcon) uşaqlıq müəllimi Xuan Zafra Qutiyerres Turana nəzər yetirdi və onun akademiyada uzun müddət qalmasının lazım olduğunu rəhbərliyə çatdırdı. Beləliklə İspaniyada qalası olduq.

6 ay məşqdən sonra La Liqanın aşağı yaş qrupları üzrə yarışda iştirak etdi. "Malaqa" akademiyasının yetirməsidir. "Atletiko Madrid" də daxil olmaqla bir neçə klubdan təkliflər var idi. Bir neçə gün öncə isə "Xetafe" akademiyasından gələn təklifi qəbul etdik. Bu akademiyada olması daha məqsədə uyğundur.

- Futbolçu ilə daha hansı klublar və skautlar maraqlanır?

- "Barselona" klubunun skautu Marko uşağı çox yaxından izləyir, "Sevilya", "Betis" klubunun rəsmiləri tez-tez mənimlə əlaqə saxlayıb Turanın vəziyyətini soruşurlar. "Atletiko Madrid" isə demək olar ki, əlindən gələn hər şeyi etdi ki, Turan orada oynasın. Biz klub qarşısında şərt qoyduq ki, Turanın fiziki hazırlığı barədə bizə hər gün hesabat verilməlidir. "Atletiko" isə bununla razılaşmadı. Maliyyə və bir çox üstünlüklərdən vaz keçdik. Fikrimcə, hələ peşəkar səviyyədə püxtələşməlidir. Hər tanınmış kluba qaçmırıq. Komandanın adına görə hansısa akademiyanı seçmək düzgün deyil. Aşağıdan yuxarı doğru getməyə çalışırıq. "Xetafe" akademiyası İspaniyanın 2-3 ən yaxşı məktəblərindən biridir. "Məndən yoxdur" fikri bizə yaddır. Təvazökarlıqdan da uzağıq. Çalışıram onu fərqli istiqamətdə yönəldim. Futbol bir peşədir və buna yüksək səviyyədə yiyələnmək lazımdır. Onun fərdi məşqçisi var fiziki və psixoloji durumuna yüksək səviyyədə nəzarət edir. Hələlik belə yaxşıdır, tələsmirik. "Xetafe"nin təklifini seçmişik və yolumuza burda davam edirik.

- Turanın özünün psixoloji durumu və dil bilikləri necədir? Qidalanmasına ciddi nəzarət olunur?

- Artıq 5 ildir burdayıq. İspan dilini yaxşı bilir, amma ata-bala doğma dildə hər gün mütləq 1-2 saat ünsiyyətdə oluruq. Yerli uşaqlarla və digər insanlarla ünsiyyət qurmaq ona çətinlik yaratmır. Qidalanması nəzarət altındadır, xüsusi plana uyğun olaraq qidalanır. Bu baxımdan özü də məsuliyyətlidir.

- Cəmşid bəy, hazırda Turan elə bir yaşdadır ki, müəyyən qərarları onun yerinə siz verməli olursunuz. Gələcəkdə Turanın hansı millidə oynamasına üstünlük verərdiniz və uşaq özü bu barədə nə düşünür?

- Mənim qardaşım I Qarabağ Müharibəsində şəhid olub. Ötən il isə Vətən müharibəsində 20-dən çox qohumumuz iştirak edib. Onların da arasənda şəhadətə qovuşan olub. O, bunların hamısını eşidirdi və buna sarsıntı keçirirdi. 44 günlük müharibə zamanı Turan "Sevilya" ya qarşı oyunda vurduğu qolu onların hamısını yad edərək meydanın mərkəzində əsgər salamı ilə qeyd etmişdi. Buna görə La Liqadan sərt xəbərdarlıq da almışdı. İspan jurnalistlərə müsahibədə də bunu ətraflı izah etdi.

Ona tez-tez "Sən Avropada böyüsən də, azərbaycanlısan" deyirəm. Mən özüm Azərbaycan millisinin azarkeşiyəm. Hətta bir dəfə millimizin Polşaya acı məğlubiyyətindən sonra özümü saxlaya bilməyib ağlamışdım. Deməyim odur ki, yığma seçiminə gəlsək, mən çox düşünməyəcəm. Həm Turan, həm də mən ölkə futbolu üçün ən yaxşısı uğrunda çalışmağa hazırıq. Sosial şəbəkələrdə mənə "İspaniyanı seç" kimi çağırışlar edirlər. Mən ona bir neçə futbolçunu örnək gətirirəm. Məsələn, Messinin İspaniya millisini seçəcəyi təqdirdə titullarının sayı hesabı olmazdı. Rayan Giqs (Ryan Giggs) də onun kimi. Ətrafdan gələn "İspaniyanı seç" məsləhətləri heç nəyi dəyişmir. Azərbaycan və azərbaycançılıq önəmli məsələdir.

- Ölkə xaricində yaşadığınız üçün uşağa xüsusi diqqət lazımdır. Bunun öhdəsindən gələ bilirsiniz?

- Azərbaycanda yaşadığım dövrdə düşünürdüm ki, Avropada bu qədər azərbaycanlı ailəsi var, nə əcəb onlardan futbolçu çıxmır?! Özüm bura gələndə gördüm ki, bu, olduqca mürəkkəb bir prosesdir. Müraciət edənlərin sayı 5 000-6 000, amma seçilən cəmi 25-30 futbolçu olur.

Əlbəttə ki, yad ölkədə xüsusi bir diqqət lazımdır. Maddiyatla bağlı problemlər olur, mənəvi sıxıntı olur. Bəlli bir dönəmə qədər bunlar mənim üzərimdədir. Asan deyil, amma bu, mənim bir nömrəli borcumdur və nəyin bahasına olursa-olsun bunun öhdəsindən gəlirəm. Hər oyundan sonra Turanın sərgilədiyi futbolu görənlər mənə yaxınlaşıb müəyyən məsləhətlər verirlər. Onunla necə davrandığımı, onu necə tərbiyələndirdiyimi və onu hansı şəraitdə böyütdüyümü soruşurlar. Onlar da bilir ki, Turana xüsusi diqqət lazımdır. Hələ ki, pis-yaxşı öhtəsindən gəlirik. Bir dəfə onun oyununu buraxmamaq üçün işimdən istefa vermişəm. Düzdür, sonradan çağırıb işimi bərpa etdilər, dediyim odur ki, onunla maksimum məşğul oluram.

- Turan əsasən hansı futbolçu keyfiyyətinə görə fərqlənir?

- Məşqçiləri və yaşıdları onun oyununu əfsanəvi futbolçu İniesta ilə müqayisə edirlər. Amma İniestadan fərqi odur ki, qapıya doğru çox zərbə endirir. Önü açıq oldusa, məsafəyə baxmayaraq topu qapıya ünvanlaya bilir. Cərimə zərbələrindən fərqlənə bilir ki, bunun da üzərində xüsusi proqrama əsasən özüm işləyirəm. Ayaqları ilə cəld hərəkət edir, anidən yön dəyişə bilir.

- Azərbaycanda onu izləyən futbol azarkeşlərindən yəqin ki, tez-tez dəstək mesajları alırsınız.

- Mesajlar fərqli olur. Dəstəyə görə hamıya təşəkkür düşür. Tənqid mesajlarına isə həmişə acığıq. Amma bir çoxu hətta təhqir belə edir. Bunu başa düşmürəm. Deyirlər ki, İspaniya futbolun vətənidir, orda komandaya düşməyə nə var ki, sən gəl, ölkədə oyna. Turan 5 000 uşağın içindən seçilən 24 nəfərdən biri olub. Bu, kimin və ya nəyin hesabına olub? Özünün fərdi keyfiyyətlərinin hesabına olub. Seçim üçün qapı hamıya açıqdır. Bacarığınız varsa, buyurun gəlin və nəticə qazanın. Yenə deyirəm dəstəyə görə təşəkkür edirəm, tənqid qəbul olunur və çalışırıq daha yaxşı olar. Amma həvəsdən salıcı sözlər və təhqirlər qəbulolunmazdır.

Xatırladaq ki, Turan Qasımlı "Xetafe" klubunun üzvü olaraq La Liqanın U-12 çempionatında çıxış edir.

Xəbərin oxunma sayı : 385