AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Azərbaycana turist axını niyə qırılır? - Statistikada ciddi eniş


Tarix 06.06.26, 14:39	Font ölçüsü : - / +

Rəsmi statistikaya əsasən, 2026-cı ilin ilk 4 ayında Azərbaycana 658,5 min turist gəlib. Bu əvvəlki ilin eyni dövrü ilə müqayisədə 10.5 faiz azalma deməkdir.

Azərbaycana gələn turistlərin təxminən yarısı 2 ölkənin payına düşür. Həmin müddətdə Azərbaycana gələn hər 100 nəfərin 27-si Rusiya, 22-si isə Türkiyə vətəndaşları olub. Bununla yanaşı, əvvəlki ilin ilk 4 ayında Azərbaycana gələn turistlərin 11 faizi Hindistanın payına düşürdürsə, indi bu göstərici 3 faizədək azalıb.

Bəs ölkəmizə gələn turistlərin sayı niyə azalıb?

Mövzu ilə bağlı turizm eksperti Ceyhun Aşurov Musavat.com-a danışıb:

"Bəli, statistikaya görə bu ilin ilk 4 ayında ölkəmizə gələn turistlərin sayı azalıb. Yenə də ölkəmizə gələn turistlərin böyük hissəsi məhz qonşu ölkələrin payına düşür. Əlbəttə ki, regionda baş verən müharibə, hava məkanının bağlı olması və yaxın ərazilərdəki gərginlik ölkəmizə gələn turist sayına da ciddi şəkildə təsir göstərir.

Hələ də Azərbaycan turizm bazarı pandemiyadan, yəni COVID-19-dan sonrakı bərpa dövrünü yaşayır. Yəni göstəricilər həm gedən, həm də gələn turizm baxımından hələ də 2019-cu il səviyyəsindən aşağıdır. Xüsusilə Hindistan–Pakistan bazarında da xeyli geriləmə müşahidə olunur. İki ölkə arasında müharibə, Azərbaycanın siyasi mövqeyi və digər amillər hindistanlı turistlərin ölkəmizə gəlişini azaldıb.

Bundan başqa, müharibə səbəbindən yanacaq qiymətlərinin artması, hava yollarının müəyyən uçuşları təxirə salması və ya dayandırması, eləcə də müxtəlif məhdudiyyətlərin tətbiq olunması da ümumi turizm axınına mənfi təsir göstərib. Bu da öz növbəsində ölkəmizə gələn turist sayına öz təsirini göstərmiş olur".

Ceyhun Aşurov qeyd edib ki, bununla yanaşı Azərbaycan müxtəlif regionlarda ölkənin turizm potensialının tanıdılması istiqamətində fəaliyyətini davam etdirir:

"Çin bazarı ilə bağlı tanıtım işləri, Orta Asiya ilə bağlı təşviqat layihələri həyata keçirilir. Hətta Türkiyə bazarında belə qardaş ölkədən Azərbaycana turist axınının artırılması üçün müxtəlif addımlar atılır. Lakin bununla yanaşı, hazırda Azərbaycana gəlişlə bağlı müəyyən məhdudiyyətlər də qalmaqdadır. Təyyarə biletlərinin qiymətləri regional müqayisədə rəqabətli deyil, yəni müəyyən qədər yüksəkdir. İnsanlar səyahətə çıxarkən əsasən iki amilə diqqət edirlər:

Getdikləri ölkənin təhlükəsizliyi və sabitliyi – bu baxımdan Azərbaycanda ciddi üstün mövqe var. Ora getməyin əlçatanlığı, rahatlığı və nəqliyyat qiymətlərinin əlverişli olması.

Təəssüf ki, bu sahədə hələ də lazımi qədər cəlbedici şərtlər təqdim edə bilmirik və bunun üzərində işlər davam edir. Düşünürəm ki, regional hava limanlarımız daha səmərəli işləsə və orada daha əlverişli şərtlər tətbiq olunsa, biz daha ucuz və rəqabətli uçuşlarla regional bazarlardan Azərbaycana turist axınını artıra bilərik. Bu da ümumi olaraq ölkəyə gələn turist sayının yüksəlməsinə səbəb olar".

Xəbərin oxunma sayı : 340