AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

İlon Mask 80% super dahi, 20% problemlidir - Donald Tramp


Tarix 06.06.26, 15:01	Font ölçüsü : - / +

ABŞ prezidenti Donald Tramp milyarder İlon Maskla münasibətlərini bərpa etdiyini və onu bəzi mübahisəli xüsusiyyətləri olan son dərəcə istedadlı bir şəxs kimi qiymətləndirdiyini bildirib. Bu barədə o, Skott Ceninqsin şousuna verdiyi müsahibədə danışıb.

Məlumatı "Business Insider” yayıb.

"Onun 80%-i super dahi, 20%-i isə müəyyən problemlərdir. Bu 20%-i həll etsə, əla olacaq", deyə Tramp bildirib.

Eyni zamanda prezident Maskla bağlı müsbət münasibətini davam etdirdiyini də vurğulayıb.

"O mənə həmişə xoş olub. İndi də xoşdur", Tramp qeyd edib və Maskın son dövrdə bəzi səhvlər etdiyini əlavə edib.

2024-cü il prezident seçki kampaniyası zamanı Mask Trampın əsas tərəfdarlarından biri olub. ABŞ mediasının məlumatına görə, milyarder Respublikaçılar Partiyasına və digər namizədlərə dəstək üçün ən azı 277 milyon dollar xərcləyib.

Respublikaçıların qələbəsindən sonra Mask bir müddət Tramp administrasiyasında işləyib, lakin iyun ayında onların arasında açıq fikir ayrılığı yaranıb.

Mübahisəyə Maskın Ağ Evin geniş vergi qanun layihəsini tənqid etməsi səbəb olub. O həmçinin Trampın seçkidə qalib gəlməsində öz maliyyə dəstəyinin həlledici rol oynadığını iddia edib.

Tramp Maskın "Amerika partiyası” adlı yeni siyasi təşkilat yaratmaq planlarını da şərh edib və onun Respublikaçılar Partiyasında qalacağına ümid etdiyini bildirib.

"Onun başqa seçimi olduğunu düşünmürəm. O nə edəcək? Radikal sol dəlilərin yanına gedəcək?”, deyə Tramp qeyd edib.

Mübahisələrə baxmayaraq, MAGA hərəkatının təsirli nümayəndələri Tramp və Mask arasında barışığa çağırışları davam etdirirlər. ABŞ vitse-prezidenti Cey Di Vens dəfələrlə Maskın 2024 seçkilərində respublikaçıların qələbəsində mühüm rol oynadığını bildirib.

Mediada yayılan məlumatlara görə, Mask "Amerika partiyası” ideyasını irəli sürsə də, hələlik onun rəsmi qeydiyyat prosesinə başlamadığı və Respublikaçılar Partiyasına əsas donor olaraq qaldığı bildirilir.

2025-ci ilin payızında Mask və Tramp konsertativ aktivist Çarli Kirkin anım mərasimində birlikdə görünmüş, qısa söhbət etmiş və əl sıxmışdılar. Onlar sonuncu dəfə 30 may tarixində Ağ Evdə keçirilən və Maskın "DOGE” vəzifəsindən istefasına həsr olunmuş mətbuat konfransında bir arada görünmüşdülər. Həmin vaxt tərəflər arasında açıq gərginlik davam edirdi.

Xəbərin oxunma sayı : 346