AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

NATO Rusiyanın yönləndirdiyi PUA-nı vurdu - Bu ölkənin səmasında


Tarix 08.06.26, 16:03	Font ölçüsü : - / +

Baltik regionunda NATO missiyası çərçivəsində xidmət aparan Fransa qırıcıları Latviya hava məkanına daxil olan pilotsuz uçuş aparatını vurub.

Bu barədə Bloomberg və Reuters agentlikləri məlumat yayıb.

Latviya rəsmiləri bildiriblər ki, insidentin əsas səbəbi Rusiyanın radioelektron mübarizə vasitələrinin naviqasiya sistemlərinə təsiri olub.

Pilotsuz aparatın tipi və hansı ölkəyə məxsus olduğu rəsmi şəkildə açıqlanmayıb. Bununla belə, Latviya ordusu hədəfin Fransa hərbi təyyarələri tərəfindən məhv edildiyini təsdiqləyib.

Bu, son iki ay ərzində NATO-nun Baltik regionunda pilotsuz uçuş aparatına qarşı döyüş aviasiyasından istifadə etdiyi ikinci hadisədir. May ayında alyansa məxsus hərbi təyyarə idarəetməni itirərək Estoniya hava məkanına daxil olan Ukrayna pilotsuz aparatını vurmuşdu.

Latviya rəsmiləri son dövrlər Rusiya sərhədini keçərək ölkə ərazisinə daxil olan dronlarla bağlı halların artdığını bildirirlər. Hakimiyyət nümayəndələrinin sözlərinə görə, bu aparatların bir hissəsi Ukraynaya məxsusdur və naviqasiya siqnallarının radioelektron vasitələrlə bloklanması səbəbindən marşrutdan yayınır.

Ukraynadakı müharibə fonunda Şərqi Avropanın digər ölkələrində də pilotsuz uçuş aparatları ilə bağlı insidentlərin sayı artır.

Bazar ertəsi Moldova ərazisində kəndlərdən birinin yaxınlığında pilotsuz aparat yerə düşərək partlayıb. Hadisə nəticəsində xəsarət alan olmayıb. Ölkənin Xarici İşlər Nazirliyi Ukrayna tərəfi ilə məsləhətləşmələrin aparıldığını açıqlayıb və eyni zamanda Rusiyanın Ukraynaya qarşı hücumlarını pisləyib.

Bundan əvvəl isə Rumıniya Moskvanı "ciddi və məsuliyyətsiz eskalasiya"da ittiham etmişdi. Buna səbəb pilotsuz aparatın yaşayış evinə çırpılması və iki nəfərin yaralanması olub.

Digər bir hadisə isə Rumıniyanın Konstansa limanında baş verib. Burada dəniz pilotsuz aparatı partlayıb.

Mütəxəssislər hesab edirlər ki, regionda radioelektron mübarizə vasitələrinin daha intensiv tətbiqi pilotsuz aparatların idarəetməni itirməsi və sərhədləri keçməsi riskini artırır. Bu isə NATO-nun şərq cinahında təhlükəsizliklə bağlı narahatlıqları daha da gücləndirir.

Xəbərin oxunma sayı : 256